web counter
LEXO PA REKLAMA!

SHKARKO APP

App Store
Google Play

E fundit!

x

Kanadaja vendos taksa për kompanitë amerikane/ Trump ndërpret negociatat

27 Qershor 2025, 20:41, Kosova & Bota CNA

Kanadaja vendos taksa për kompanitë amerikane/ Trump ndërpret

Presidenti i Shteteve të Bashkuara të Amerikës, Donald Trump ka njoftuar se janë ndërprerë të gjitha bisedimet tregtare me Kanadanë.

Vendim ky që ka ardhur pasi Trump shkruan se Kanadaja ka vendosur taksa për shërbimet dixhitale ndaj kompanive amerikane të teknologjisë.

Këtë Trump e quan një sulm të hapur dhe të drejtpërdrejtë ndaj Shteteve të Bashkuara.

Më tej, presidenti amerikan shkruan se brenda një jave Kanadaja do të njoftohet për tarifat që do të paguajë për të bërë biznes me SHBA.

“Sapo jemi informuar se Kanadaja, një vend shumë i vështirë për të TREGTUAR, duke përfshirë faktin se ata u kanë ngarkuar fermerëve tanë deri në 400% tarifa për produktet e qumështit për vite me radhë, sapo ka njoftuar se po vendosin një taksë për shërbimet dixhitale mbi kompanitë tona amerikane të teknologjisë, e cila është një sulm i drejtpërdrejtë dhe i hapur ndaj vendit tonë. Ata padyshim po kopjojnë Bashkimin Evropian, i cili ka bërë të njëjtën gjë dhe aktualisht është në diskutim me ne. Bazuar në këtë taksë të shëmtuar, ne po i ndërpresim të GJITHA diskutimet mbi tregtinë me Kanadanë, me efekt të menjëhershëm. Ne do ta njoftojmë Kanadanë për tarifën që do të paguajë për të bërë biznes me Shtetet e Bashkuara të Amerikës brenda periudhës së ardhshme shtatë ditore. Faleminderit për vëmendjen tuaj ndaj kësaj çështjeje”, shkruan Trump./ CNA





Lajmet e fundit nga