web counter
LEXO PA REKLAMA!

SHKARKO APP

App Store
Google Play

Paralajmërimi i Kushtetueses/ Reagon Kurti, thërret në takim krerët e partive

27 Qershor 2025, 10:16, Kosova & Bota CNA

Paralajmërimi i Kushtetueses/ Reagon Kurti, thërret në takim

Kryeministri Albin Kurti ka reaguar pas deklaratës së Gjykatës Kushtetuese, e cila ka theksuar se brenda 30 ditëve Kuvendi i Kosovës duhet të konstituohet.

Kurti nënvizon se ky është një detyrim i të gjithë deputetëve dhe jo vetëm i subjektit të parë.

Kryeministri i Kosovës ka bërë me dije se sot u është drejtuar të gjithë krerëve të subjekteve të përfaqësuara në legjislaturën e nëntë, me ftesë për takim të përbashkët të shtunën (nesër) në orën 16:00, në përpjekje të radhës në funksion të konsensusit për konstituim të Kuvendit.

“Aktgjykimi i djeshëm i Gjykatës Kushtetuese thekson qartë se obligimi për ta konstituuar Kuvendin është obligim i të gjithë deputetëve dhe jo vetëm i subjektit të parë.

Si kryetar i Lëvizjes VETËVENDOSJE dhe në emër të grupit më të madh parlamentar të dalur nga zgjedhjet e 9 shkurtit 2025, sot u jam drejtuar të gjithë krerëve të subjekteve të përfaqësuara në legjislaturën e nëntë, me ftesë për takim të përbashkët të shtunën (nesër) në orën 16:00, në përpjekje të radhës në funksion të konsensusit për konstituim të Kuvendit”, shkruan Kurti./ CNA





Lajmet e fundit nga