web counter
LEXO PA REKLAMA!

SHKARKO APP

App Store
Google Play

Protesta e madhe e së shtunës/ Vuçiç: Nëse detyrohemi, do ndërhyjë shteti

26 Qershor 2025, 18:32, Kosova & Bota CNA

Protesta e madhe e së shtunës/ Vuçiç: Nëse

Presidenti i Serbisë, Aleksandar Vuçiç deklaroi sot në lidhje me protestën e planifikuar të shtunën, më 28 qershor, në Beograd, se shteti do të ndërhyjë vetëm nëse detyrohet ta bëjë këtë dhe se do të bëjë gjithçka që mundet për të siguruar që askush të mos dëmtohet.

Vuçiç shprehu besim se 28 qershori do të vijë e do të shkojë dhe se shteti do të triumfojë.

Duke folur për median serbe ‘Nis Tv’, Vuçiç theksoi se është duke zhvilluar bisedime me studentët e grupimit organizues të protestës.

“Nëse duhet, sigurisht që do të ndërhyjmë, por shpresoj se nuk do të detyrohemi ta bëjmë këtë. Ndërkohë, do të vazhdojmë të punojmë. Aktualisht kam diskutime me studentët si pjesë e Forumit Ndërkombëtar të Studentëve 'Liria dhe Sovraniteti i Kombeve në Shekullin e 21-të', pas së cilës do të udhëtoj në Çaçak dhe Po?ega për të vizituar pjesët e fundit të autostradës që pritet të hapen së shpejti. Këto janë çështje jashtëzakonisht, jashtëzakonisht të rëndësishme për mua”,-tha Vuçiç për Nis TV./CNA





Lajmet e fundit nga