web counter
LEXO PA REKLAMA!

SHKARKO APP

App Store
Google Play

Ismail Kadaresë i jepet nënshtetësia e Kosovës/ Osmani: Nderim për shtetin tonë

1 Gusht 2023, 14:11, Kosova & Bota CNA

Ismail Kadaresë i jepet nënshtetësia e Kosovës/ Osmani:

Shkrimtarit të shquar, Ismail Kadare, i është dhënë nënshtetësia e Kosovës. Lajmin e ka bërë të ditur Presidenca e Kosovës në një njoftim në rrjetet sociale, ku nëvizohet se vendimi është firmosur nga Vjosa Osmani.

Për vendimin, presidentja Osmani thotë se dhënia e nënshtetësisë ikonës së letërsisë shqipe, shkrimtarit Ismail Kadare është nderim për shtetin e Kosovës për krijuesin, i cili vazhdimisht është pikë e rëndësishme referimi për shqiptarët kudo në botë.

“Republika e Kosovës dhe qytetarët e saj ndihen të nderuar nga personaliteti i shquar i kombit, shkrimtari ynë i përmasave botërore, Ismail Kadare, i cili me krijimtarinë e tij ka afirmuar gjuhën, kulturën dhe traditën tonë”, ka theksuar Presidentja Osmani.

Presidenca sqaron se dekreti i nënshtetësisë, shkrimtarit Kadare do t`i dorëzohet nga Presidentja Osmani gjatë vizitës, e cila do të realizohet në Shqipëri në një periudhë të afërt.

Në muajin Qershor Presidentja Osmani, e dekoroi shkrimtarin Ismail Kadare me urdhrin “Hasan Prishtina”, më i larti të cilin e jep Republika e Kosovës për personalitetet më të shquara të kulturës, artit, dhe shoqërisë./CNA.al





Lajmet e fundit nga