E fundit!

19:21 Politikë

"Ata tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

Kryeministri Edi Rama ka theksuar në takimin me banorët e ...

Irani, funeral shtetëror për udhëheqësit ushtarakë të vrarë në konfliktin me Izraelin

28 Qershor 2025, 09:35, Kosova & Bota CNA

Irani, funeral shtetëror për udhëheqësit ushtarakë

Një funeral shtetëror zhvillohet në Iran për rreth 60 persona, përfshirë komandantë ushtarakë dhe shkencëtarë bërthamorë, të vrarë gjatë konfliktit 12-ditor me Izraelin.

Arkivolë të mbështjellë me flamurin iranian, me portrete të komandantëve të ndjerë, u rrethuan nga turma të mëdha njerëzish pranë Sheshit Enghelab në qendër të Teheranit.

Konflikti përfundoi me një armëpushim në fillim të kësaj jave, pasi SHBA-ja u përfshi drejtpërdrejt duke bombarduar vendet kryesore bërthamore në Iran.

Midis atyre që po varrosen është Mohammad Bagheri, oficeri më i lartë ushtarak në Iran, i cili ishte shef i shtabit të forcave të armatosura të Iranit.

Turma të mëdha vajtuesish të veshur me të zeza brohoritën slogane, valëvitën flamuj iranianë dhe mbajtën portrete të të vrarëve. Në funeralin e së shtunës do të marrë varrosen edhe Hossein Salami, komandanti i përgjithshëm i Gardës Revolucionare Islamike, si dhe një numër shkencëtarësh bërthamorë si Mohammad Mehdi Tehranchi, i cili ishte drejtor i Universitetit Azad në Teheran.

Kjo vjen pasi Presidenti i SHBA-së, Donald Trump, tha se do ta shqyrtonte "absolutisht" përsëri bombardimin e Iranit. Duke iu përgjigjur një pyetjeje nga Nomia Iqbal e "BBC"-së në një konferencë shtypi në Shtëpinë e Bardhë të premten, ai tha se do ta sulmonte "pa diskutim" vendin nëse inteligjenca arrinte në përfundimin se Irani mund të pasuronte uranium në nivele shqetësuese.

Trump ka përsëritur gjithashtu pohimet e tij se Irani është “shkatërruar”, duke shkruar: “Pse i ashtuquajturi ‘Udhëheqës Suprem’ Ajatollah Ali Khamenei, i vendit të shkatërruar nga lufta, Iranit, do të thoshte kaq hapur dhe me budallallëk se e fitoi luftën me Izraelin, kur e di që deklarata e tij është një gënjeshtër?” Trump gjithashtu pretendoi se e dinte "saktësisht se ku ishte strehuar ai [Khamenei]", duke thënë se "nuk do ta linte Izraelin, apo Forcat e Armatosura të SHBA-së... t'i jepnin fund jetës së tij".

“E shpëtova nga një vdekje shumë e shëmtuar dhe e turpshme, dhe ai nuk ka pse të thotë, ‘faleminderit, president Trump!’”, shkroi Trump në platformën e tij "Truth Social".

Ministri i Jashtëm i Iranit, Abbas Araghchi, e paralajmëroi Trump-in kundër komenteve "të pahijshme" ndaj Khamenei-t, i cili pretendoi se sulmet amerikane dhe izraelite në vendet bërthamore iraniane nuk kishin arritur "asgjë domethënëse".

“Nëse Presidenti Trump është i sinqertë në lidhje me dëshirën për një marrëveshje, ai duhet të lërë mënjanë tonin mungesë respekti dhe të papranueshëm ndaj Udhëheqësit Suprem të Iranit, Ajatollah Khamenei-t. Populli i Madh dhe i Fuqishëm Iranian, i cili i tregoi botës se regjimi izraelit nuk kishte zgjidhje tjetër veçse të vraponte te 'Babi' për të shmangur rrëzimin nga raketat tona, nuk i pranon me sy të mirë kërcënimet dhe fyerjet", shkroi Araghchi në "X".

Araghchi ka pranuar se bombardimet e fundit u kanë shkaktuar centraleve bërthamore të Iranit dëme "të tepërta dhe serioze" ./ CNA