web counter
LEXO PA REKLAMA!

SHKARKO APP

App Store
Google Play

E fundit!

x

Investigimi i "BBC"/ Roja bregdetare greke shkaktoi viktima, hodhi në det emigrantët

17 Qershor 2024, 09:09, Kosova & Bota CNA
Investigimi i "BBC"/ Roja bregdetare greke shkaktoi viktima, hodhi
Foto marrë nga mediat greke

Roja bregdetare greke ka shkaktuar vdekjen e dhjetëra emigrantëve në Mesdhe gjatë një periudhe trevjeçare, thonë dëshmitarët, duke përfshirë nëntë të cilët u hodhën qëllimisht në ujë, raporton "BBC". 

Të nëntë janë në mesin e më shumë se 40 personave që dyshohet se kanë vdekur si pasojë e dëbimit me forcë nga ujërat territoriale greke, ose janë nxjerrë përsëri në det pasi arritën në ishujt grekë. 

Roja bregdetare greke kundërshtoi për "BBC" të gjitha akuzat për veprimtari të paligjshme.

Qeveria greke është akuzuar prej kohësh për kthime të detyruara, duke i shtyrë njerëzit drejt Turqisë, prej nga kanë kaluar, gjë që është e paligjshme sipas ligjit ndërkombëtar.

Por kjo është hera e parë që "BBC" ka llogaritur numrin e incidenteve që pretendojnë se ka pasur viktima si rezultat i veprimeve të rojes bregdetare greke.

15 incidentet që analizuam, të datës maj 2020-'23 - rezultuan në 43 vdekje. Burimet fillestare ishin kryesisht mediat lokale, OJQ-të dhe roja bregdetare turke.

Verifikimi i llogarive të tilla është jashtëzakonisht i vështirë - dëshmitarët shpesh zhduken, ose janë shumë të frikësuar për të folur. Por në katër nga këto raste "BBC" mori rrëfime duke folur me dëshmitarë okularë.

“Ne mezi ishim ankoruar dhe policia erdhi nga pas. Ishin dy policë të veshur me të zeza, dhe tre të tjerë me rroba civile. Ata ishin të maskuar, i shihje vetëm sytë", tha një dëshmitar./CNA 





Lajmet e fundit nga