web counter
LEXO PA REKLAMA!

SHKARKO APP

App Store
Google Play

Sulmi i rëndë raketor/ Zelensky kërkon sërish armë me rreze të gjatë: Po vuajmë

30 Qershor 2024, 10:30, Kosova & Bota CNA

Sulmi i rëndë raketor/ Zelensky kërkon sërish armë me

Presidenti ukrainas, Volodymyr Zelensky ka përsëritur thirrjen e rij për më shumë armë me rreze të gjatë dhe mbrojtje ajrore, pasi një sulm raketor vrau shtatë persona, përfshirë dy fëmijë.

Sulmi rus në qytetin e Vilniansk, pranë qytetit juglindor të Zaporizhzhias, plagosi gjithashtu 31 të tjerë, thanë zyrtarët ukrainas. Në total, të paktën 11 civilë u vranë dhe 37 të tjerë u plagosën në sulmet me raketa në të gjithë Ukrainën të shtunën, raportoi Reuters.

“Qytetet dhe komunitetet tona vuajnë çdo ditë nga sulme të tilla ruse”, reagoi më pas Zelensky. Ai shtoi se kishte "mënyra për ta kapërcyer këtë", duke përfshirë "shkatërrimin e raketave ruse, goditjen me aftësi reale me rreze të gjatë dhe rritjen e numrit të sistemeve moderne të mbrojtjes ajrore".

Aleatët perëndimorë tashmë e kanë furnizuar Ukrainën me një numër armësh me rreze të gjatë - duke përfshirë raketat Scalp nga Franca, Storm Shadoë nga MB dhe ATACMS nga SHBA - si dhe sistemet e mbrojtjes ajrore Patriot të prodhuara nga SHBA.

Megjithatë, fluksi i armëve nga SHBA-ja, furnizuesi më i madh i armëve i Ukrainës, u lëkund në fillim të vitit 2024 pasi në Kongres një projekt-ligj që përcaktonte ndihmë të mëtejshme ushtarake u mbajt.

Legjislacioni u miratua përfundimisht në prill dhe sistemet e mbrojtjes ajrore dhe raketat me rreze të gjatë vinin në vijat e frontit muajin e ardhshëm. Por Ukraina thotë se mungesa e municioneve dhe vonesat në dërgimin e armëve kanë rënduar bilancin e viktimave dhe marrjen e sa më shumë territorieve nga Rusia./ CNA





Lajmet e fundit nga