E fundit!

13:08 Aktualitet

Ndërprerja e energjisë në Maternitetin e Durrësit/ Spitali Rajonal sqarim publik

Spitali Rajonal Durrës ka reaguar pas situatës së krijuar ...

Greqia në “luftë me flakët”/ Zjarri në Parnithë: Tymi ka mbërritur në Akropol

29 Qershor 2024, 19:50, Kosova & Bota CNA

Athina, Akropoli. Burimi:Protothema

Zona të ndryshme në Greqi prej ditësh janë vënë nën pushtetin e flakëve. Erërat e forta që fryjnë në Atikë e kanë çuar tymin që del nga djegja e pyllit të Parnitës, në Katsimidi, deri në qendër të Athinës. Në Akropol tymi është i dukshëm ndërsa era e djegies ndihet deri në qytet. Sipas mediave greke, zjarri ka rënë mesditën e së shtunës, duke sjellë dhe devijime të trafikut.

Në vend fryjnë erëra të forta, të cilat e shtyjnë zjarrin drejt pronave mbretërore të Tatoit. Banorët janë njoftuar nga shërbimet e emergjencës nëpëermjet numrit të telefonit, me mesazhin

“Zjarr në pyll në zonën e Katsimidi Parnithës. Qëndroni gati dhe ndiqni udhëzimet e Autoriteteve”.

Për shuarjen e tij janë mobilizuar 60 zjarrfikës me 3 pedonale dhe 15 automjete, ndërsa nga ajri po operojnë 2 avionë dhe 5 helikopterë. Në të njëjtën kohë, zjarrfikësit ndihmohen nga vullnetarë, çisterna uji dhe makineri të projektit OTA.Ka shumë mobilizim për të vënë nën kontroll frontin pasi në zonë fryn erëra shumë të forta. I gjithë mekanizmi i Qarkut të Atikës është vënë në gatishmëri të plotë për të ndihmuar me të gjitha mjetet në përpjekjet e zjarrfikësve për shuarjen e zjarrit .

Që në minutat e para të zjarrit, Drejtoria e Mbrojtjes Civile të Qarkut i është përgjigjur menjëherë kërkesës së Shërbimit Zjarrfikës për pajisjen me 10 mjete uji, ndërsa është në gatishmërinë më të lartë për të ndihmuar në evakuimin e zonës, nëse këtë e kërkojnë organet kompetent

Zjarri në Serifos. Burimi: Protothema

Guvernatori i Qarkut të Atikës, Nikos Hardalias, zëvendësguvernatorët përkatës dhe oficerët e mbrojtjes civile të qarkut janë në kontakt të vazhdueshëm me Qendrën Operative të Qarkut dhe janë të informuar për zhvillimet. Siç theksohet nga Departamenti i Mbrojtjes Civile të Rajonit, të gjitha shërbimet tona kompetente janë në gatishmëri, për të asistuar menjëherë në çdo mënyrë të mundshme në çdo gjë që u kërkohet nga Ministria e Krizave Klimatike dhe Mbrojtjes Civile, e cila ka përgjegjësi të koordinimit të operacioneve në terren.

Ndërkohë banorët janë njoftuar nga një tjetër mesazh nga 112 për evakuimin e katër zonave, i cili u është dërguar pasditen e së shtunës, në Serifos ku flakët e zjarrit janë përhapur me shpejtësi. Ata që janë në zonat e Koutalas, Ganema, Vaya dhe Kalo Ambeli duhet të lëvizin drejt Chora tis Serifos nëpërmjet Koutalas, duhet të të ndjekin udhëzimet e Autoriteteve. Një tjetër zjarr ka rënë pasditen e së shtunës në Livadi.

Zjarri po djeg bimësi të ulët pranë vendbanimit, por punën për shuarjen e zjarrit e vështirëson erërat shumë të forta. Më herët një mesazh nga “112” u është dërguar banorëve në Ramos dhe Livadi që të largohen drejt Serifos. Në vendngjarje ndodhet një automjet me tre zjarrfikës, si dhe kamionë uji. Në perëndim të diellit, dy avionë dhe një helikopter po operonin./CNA