web counter
LEXO PA REKLAMA!

SHKARKO APP

App Store
Google Play

Greqia rikthen pengesa për shqiptarët? Rregulli që mund të hyjë në fuqi më 30 mars

19 Mars 2024, 11:48, Kosova & Bota CNA
Greqia rikthen pengesa për shqiptarët? Rregulli që mund të
Foto ilustruese

Rregulla të reja për emigrantët që jetojnë në Greqi?

Rregullorja e re e lëshuar nga autoritetet greke, që është dërguar në të gjitha pikat kufitare, ndalon kalimin e kufirit për emigrantët që kanë vetëm një vërtetim që dëshmon se janë në pritje të lejes së qëndrimit.

Sipas qeverisë greke, pas 30 marsit 2024, vetëm me vërtetim nuk mund të udhëtohet drejt Shqipërisë. E njëjta gjë vlen edhe për të gjithë ata emigrantë që ndodhen jashtë Greqisë. Duhet të kthehen deri në datën 30 mars, ndryshe nuk do t'u lejohet hyrja në Greqi.

Njoftimi është shpërndarë në rrjetet sociale nga Komuniteti shqiptar në Greqi. 

"Të gjithë emigrantët që jetojnë në Greqi dhe janë në pritje të lejes së qëndrimit, mund të udhëtojnë drejt vendeve të tyre vetëm me leje qëndrimi. Nëse jeni në pritje të lejes së qëndrimit dhe keni në duar vërtetimin, nuk mund të udhëtoni drejt vendit tuaj pas datës 30 mars 2024. Mos bëni gabimin të udhëtoni, sepse nuk do të lejohet hyrja. E njëjta gjë vlen edhe për të gjithë ata që ndodhen jashtë Greqisë sot. Duhet të jenë kthyer deri në datën 30 mars, ndryshe nuk do lejohet hyrja e tyre.  Kështu thotë qarkorja e re që është dërguar në të gjitha pikat kufitare. Nga policia e aerodromit më thanë që presin ndryshime, por nuk e dimë a do ketë ndryshime dhe si do funksionojnë ato. Për momentin bëni kujdes", thuhet në njoftim. 

Në media raportohet se një vendim i tillë pritet të tërhiqet para datës 25 mars, pasi në Ministrinë e Emigracionit është gati një qarkore që e anulon këtë rregullore./CNA 

 





Lajmet e fundit nga