web counter
LEXO PA REKLAMA!

SHKARKO APP

App Store
Google Play

E fundit!

x

G-7 vendos objektiva të rëndësishëm për energjinë e rinovueshme

16 Prill 2023, 23:03, Kosova & Bota CNA

G-7 vendos objektiva të rëndësishëm për energjinë

Grupi i shtatë vendeve më të pasura të botës ka vëndosur objektiva të reja të përbashkëta për prodhimin e energjisë elektrike nga era dhe rrezet diellore. Vendet e G-7 u pajtuan të përshpejtojnë zhvillimin e energjisë së rinovueshme dhe kalimin sa më të shpejtë nga shfrytëzimi i burimeve fosile.

Megjithatë, ministrat e mbledhur në Japoni, nuk ranë dakord që viti 2030 të jetë afati për heqjen dorë gradualisht nga përdorimi i qymyrit, i kërkuar nga Kanadaja dhe disa shtete të tjera. Zyrtarët u pajtuan që të vazhdojnë investimet në industrinë e gazit, duke thënë se ky sektor mund të ndihmojë në adresimin e mungesave të mundshme të energjisë.

Takimi dyditor i ministrave të vendeve të G-7 në Japoni i dha fund punimeve të dielën. Burimet e energjisë së rinovueshme dhe siguria energjitike kanë marrë një rëndësi të veçantë pas fillimit të agresionit rus në Ukrainë.

Përmes një deklerate të përbashkët, vendet anëtare u zotuan që të rrisin kolektivisht prodhimin e energjisë nga era me 150 gigavat deri në vitin 2030 dhe më shumë se 1 teravat energjinë e përftuar nga rrezet e diellit./ VOA





Lajmet e fundit nga