web counter
LEXO PA REKLAMA!

SHKARKO APP

E fundit!

x

Fundi i përpjekjes/ Artistët e tatuazheve në Korenë e Jugut tashmë punojnë të lirë

30 Maj 2026, 09:33, Kosova & Bota CNA

Fundi i përpjekjes/ Artistët e tatuazheve në Korenë e Jugut

Pas më shumë se tre dekadash luftë për legjitimitet, artistët e tatuazheve në Korenë e Jugut më në fund mund të punojnë pa frikën e arrestimit.

Prej vitit 1992, tatuazhet konsideroheshin si "akt mjekësor", duke u lejuar vetëm mjekëve të licencuar të kryenin këtë praktikë, ndërsa artistët profesionistë rrezikonin vazhdimisht penalitete ligjore ose shantazhe.

Ky ndryshim historik vjen pas një fushate të gjatë të drejtuar nga artistët, të cilët argumentonin se arti i trupit nuk ka asnjë lidhje me praktikat mjekësore.

Ndërsa shoqëria koreano-jugore mbetet ende konservatore, perceptimi publik ka ndryshuar ndjeshëm, veçanërisht falë ndikimit të të rinjve dhe yjeve të njohur të botës së muzikës dhe sportit, të cilët kanë normalizuar shfaqjen e tatuazheve.

Ndonëse ministria e shëndetësisë planifikon të vendosë një sistem të ri testimi për licencimin e artistëve vitin e ardhshëm, për komunitetin e tatuazheve ky është një moment çlirimi.

"Gjërat janë kthyer më në fund atje ku duhet", shprehet Doy, një nga artistët më të njohur që ka punuar me emra si Brad Pitt, duke kujtuar me dhimbje edhe kolegët që pësuan rëndë gjatë viteve të ndalimit. /CNA





Lajmet e fundit nga