web counter
LEXO PA REKLAMA!

SHKARKO APP

App Store
Google Play

E fundit!

x

Finlanda premton miliona dollarë ndihmë ushtarake për Ukrainën, por jo tanke

20 Janar 2023, 15:08, Kosova & Bota CNA

Finlanda premton miliona dollarë ndihmë ushtarake për

Finlanda ka njoftuar një paketë të re prej më shumë se 400 milionë eurosh (434 milionë dollarë) ndihmë ushtarake për Ukrainën.

Premtimi trefishon vlerën totale të ndihmës finlandeze të mbrojtjes për Ukrainën në 590 milionë euro, tha ministria e Mbrojtjes në një deklaratë më 20 janar. Një zëdhënës i ministrisë tha se paketa nuk përfshin tanke Leopard 2.

Gjermania përballet me presion në rritje për të furnizuar Ukrainën me tanke Leopard 2, ose të paktën t'u japë leje aleatëve të tjerë si Polonia për të dorëzuar tanket e prodhimit gjerman nga stoku i tyre.

Presidenti ukrainas, Volodymyr Zelensky, i ka bërë thirrje të hapur Berlinit që t'i dërgojë tanke Ukrainës.

“Nëse keni tanke Leopard, na i jepni neve”, ka thënë Zelensky për televizionin publik gjerman.

Kancelari gjerman, Olaf Scholz, u ka thënë kongresistëve amerikanë në Davos se Gjermania do ta furnizojë Ukrainën me tanke luftarake, nëse këtë e bën edhe SHBA-ja, sipas deklaratës së përfaqësuesit demokrat Gregory Meeks, nga Komiteti i Punëve të Jashtme të Dhomës së Përfaqësuesve.

Rieksporti i Leopardëve kërkon miratimin e Qeverisë gjermane, kështu që edhe vendet e tjera që i kanë këto tanke nuk mund t'i dërgojnë ato në Ukrainë pa këtë aprovim./REL





Lajmet e fundit nga