E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Çfarë po ndodh në kufin mes Kosovës dhe Serbisë/ Gadishmëri e lartë e forcave ushtarake serbe

5 Gusht 2022, 20:39, Kosova & Bota CNA

Çfarë po ndodh në kufin mes Kosovës dhe Serbisë/

Serbia vijon të kërcënojë Kosovën me “përdorim të ushtrisë nëse do të jetë nevoja” pavarësisht paralajmërimit të qartë të NATO-s ndaj regjimit të Vuçiçit që të mos tentojë prishjen e paqes në rajon.

Kështu, gjatë ditë së sotme, Ministria e Mbrojtjes në Serbi ka njoftuar se forcat e saj ushtarake janë vënë në gatishmëri të lartë pranë kufirit me Kosovën.

Sipas njoftimit shefi i shtabit të përgjithshëm i Forcave të armatosura të Serbisë, gjeneral Milan Mojsiloviç, ka vizituar sot Forcat e armatosura serbe të angazhuara , sipas Serbisë në kontrollin e Zonës së Sigurisë Tokësore dhe sigurimin e vijës kufitare me Kosovën.

Gjatë vizitës në bazat e forcave ushtarake afër kufirit me Kosovën shefi i Shtabit të Përgjithshëm të Forcave të Armatosura të Serbisë shoqërohej nga komandanti i Forcave Tokësore, gjeneral Milosav Simoviç, shefi i Drejtorisë Operative (J-3) ?elimir Glišoviç, dhe shefin e Drejtorisë së Logjistikës (J-4), gjeneralmajor Sr?an Petkviç.

Kujtojmë se një javë më parë marrëdhëniet mes Kosovës dhe Serbisë u tensionuan, pasi Prishtina vendosi të zbatonte ligjin për reciprocitetin e targave mes dy vendeve .

Ky vendim nuk u prit mirë nga Serbia, e për pasojë në veri të Kosovës nisën situata që kujtonin fillimin e një lufte.

Si rrjedhojë qeveria e Kosovës vendosi të pezullojë përkohësisht për një periudhë 30 ditore masën e reciprocitetit më Serbinë./CNA.al