web counter
LEXO PA REKLAMA!

SHKARKO APP

App Store
Google Play

E fundit!

x

Eurostat: Të rinjtë europianë, më të rrezikuar për të rënë në grackën e varfërisë

10 Prill 2023, 13:38, Kosova & Bota CNA

 

Eurostat: Të rinjtë europianë, më të rrezikuar për

Të rinjtë në Europë janë më të rrezikuar për të rënë në grackën e varfërisë sesa pjesa tjetër e popullsisë, raporton "Euronews". 

Shifrat e fundit të publikuara nga Eurostat tregojnë se 20% e të rinjve të moshës 15-29 vjeç ishin në rrezik për t'u përfshirë nga varfëria në vitin 2021, ndërsa shkalla e rrezikut nga varfëria për popullsinë totale të BE-së ishte 17%. 

Treguesi "nuk nënkupton domosdoshmërisht një standard të ulët jetese, por mat pjesën e njerëzve që kanë të ardhura të disponueshme nën pragun e varfërisë," shpjegon Eurostat.

Të dhënat ndër vite tregojnë nivele më të larta të rrezikut nga varfëria për të rinjtë në krahasim me popullsinë në tërësi. Megjithatë, diferenca ka filluar të tkurret, pasi arriti kulmin në vitin 2016.

Shkalla e rrezikut nga varfëria ishte më e lartë për të rinjtë krahasuar me popullsinë totale në 19 vende të BE-së në vitin 2021. 

Danimarka kishte hendekun më të madh, me 25.6% të të rinjve në rrezik krahasuar me 12.3% të popullsisë së përgjithshme. Suedia pasoi Danimarkën me një diferencë prej gati nëntë pikë përqindjeje. 

Letonia, Malta, Estonia dhe Kroacia kishin dallimet më të dukshme, ndërsa Republika Çeke kishte rrezikun më të ulët të varfërisë midis vendeve të BE-së.

 

 





Lajmet e fundit nga