web counter
LEXO PA REKLAMA!

SHKARKO APP

App Store
Google Play

Dronët rusë godasin një bllok apartamentesh/ 7 të plagosur në qytetin verilindor të Ukrainës

8 Dhjetor 2025, 10:13, Kosova & Bota CNA

Dronët rusë godasin një bllok apartamentesh/ 7 të plagosur

Të paktën shtatë persona u plagosën kur dronët rusë goditën një bllok apartamentesh në qytetin verilindor të Ukrainës, Okhtyrka, në rajonin Sumy. Ngjarja u konfimua nga Guvernatori i rajonit, Oleh Hryhorov.

Rajoni i Sumy-t, i cili kufizohet me Rusinë, është përballur me bombardime dhe sulme me dronë pothuajse çdo ditë që kur Moska nisi pushtimin e saj të plotë të Ukrainës në shkurt 2022, një luftë që tani po i afrohet vitit të katërt.

Hryhorov tha në një postim në aplikacionin e mesazheve 'Telegram' se të plagosurit ishin dërguar në spital, ku dy prej tyre u shtruan. Të tjerët morën trajtim dhe u liruan.

Ndërtesa shumëkatëshe pësoi dëme të mëdha, teksa disa banorë mundën të rrinin në bodrum pas paralajmërimeve për sulme ajrore, ndërsa ekipet e emergjencës shpëtuan të tjerë nga katet e sipërme.

Nuk pati asnjë koment të menjëhershëm nga Moska në lidhje me sulmin.

Të dyja palët mohojnë se kanë synuar civilët, por mijëra njerëz kanë humbur jetën në konflikt dhe shumica dërrmuese e tyre janë ukrainas.





Lajmet e fundit nga