web counter
LEXO PA REKLAMA!

SHKARKO APP

App Store
Google Play

E fundit!

x

"Do të mundësojmë zgjidhje politike"/ Trump i kërkon Gjykatës së Lartë të shtyjë ndalimin e TikTok

28 Dhjetor 2024, 08:51, Kosova & Bota CNA
"Do të mundësojmë zgjidhje politike"/ Trump i
Foto ilustruese

Presidenti i zgjedhur i SHBA-së Donald Trump i ka kërkuar Gjykatës së Lartë të SHBA-së të shtyjë një afat ligjor që detyron shitjen ose ndalimin e TikTok, për të mundësuar një “zgjidhje politike” pasi të betohet si president muajin e ardhshëm.

Sipas një ligji të miratuar nga Kongresi në prill, kompania mëmë kineze “ByteDance”duhet të shesë TikTok deri më 19 janar 2025, një ditë para se Trump të inaugurohet si president ose të përballet me një ndalim në të gjithë vendin.

Legjislacioni u miratua pas paralajmërimeve nga zyrtarët amerikanë se platforma paraqiste rreziqe për sigurinë kombëtare.

Megjithatë, Trump i ka kërkuar Gjykatës së Lartë të shtyjë afatin ndërsa shqyrton vlefshmërinë e çështjes, për t'i dhënë administratës së tij të ardhshme “mundësinë për të ndjekur një zgjidhje politike për çështjet në fjalë”, sipas një dokumenti të paraqitur të premten, 27 dhjetor.

Gjatë fushatës për rizgjedhje, Trump tha se ishte kundër ndalimit të platformës dhe premtoi se do ta “shpëtonte” aplikacionin.

Përpjekjet për ta bërë këtë përfaqësojnë një kthesë nga viti 2020, kur ish-presidenti Trump lëshoi një urdhër ekzekutiv për të bllokuar aplikacionin në SHBA dhe i dha “ByteDance” 90 ditë për të hequr dorë nga asetet e saj amerikane dhe çdo të dhënë që TikTok kishte mbledhur në SHBA. Ky urdhër u bllokua nga gjykatat dhe përfundimisht u anulua nga Presidenti i SHBA-së, Joe Biden, i cili më vonë nënshkroi ligjin që është në qendër të kësaj çështjeje.

Në dokumentin e paraqitur thuhet: “Presidenti Trump, vetëm, zotëron ekspertizën e përkryer në negociata, mandatin elektoral dhe vullnetin politik për të negociuar një zgjidhje për të shpëtuar platformën duke adresuar shqetësimet për sigurinë kombëtare të shprehura nga qeveria shqetësime që vetë presidenti Trump i ka pranuar.”

Gjithashtu, në dokument thuhet se Trump “nuk mban një qëndrim për vlefshmërinë themelore të kësaj mosmarrëveshjeje”.

TikTok nuk iu përgjigj menjëherë një kërkese për koment.

Trump, si president nuk do të ketë autoritet mbi Gjykatën e Lartë, në mes të një procesi të ndërlikuar ligjor që do të vendosë fatin e aplikacionit popullor në SHBA.

Gjykata e Lartë ka planifikuar seancën e argumenteve gojore për këtë çështje më 10 janar





Lajmet e fundit nga