web counter
LEXO PA REKLAMA!

SHKARKO APP

App Store
Google Play

E fundit!

x

Festat e fundvitit/ Ukrainasit shpresojnë për një shkëmbim të të burgosurve me Rusinë

28 Dhjetor 2024, 08:43, Kosova & Bota CNA

Festat e fundvitit/ Ukrainasit shpresojnë për një shkëmbim

Qytetarët ukrainas po shpresojnë për një shkëmbim të të burgosurve me Rusinë me rastin e festave të fundviti, edhe pse marrëveshjet mund të dështojnë në minutën e fundit.

Petro Yatsenko, nga Shtabi i Ukrainës për Trajtimin e të Burgosurve të Luftës, tha se negociatat me Moskën mbi shkëmbimin e të burgosurve janë bërë më të vështira muajt e fundit që kur forcat ruse filluan të bëjnë përparime të rëndësishme në vijën e frontit.

Në 2024 janë shkëmbyer vetëm 10 të burgosur, numri më i ulët që nga fillimi i pushtimit në shkallë të plotë. Ukraina nuk publikon numrat e të burgosurve të luftës që mbahen nga Rusia, por totali mendohet të jetë mbi 8,000.

Një nga ata që u sollën në shtëpi në shkëmbimin e fundit, në shtator 2024, është marinari ukrainas Andriy Turas. Në një apartament në qytetin ukrainas të Lviv, Andriy dhe gruaja e tij Lena më tregojnë historinë e jashtëzakonshme të sprovës së tyre. Të dy u kapën ndërsa mbronin qytetin e Mariupolit në vitin 2022.

"Ata mbajtën leksione me ne se si Ukraina nuk ka ekzistuar kurrë," thotë Lena, për robëruesit rus. "Ata u përpoqën të shfarosnin identitetin tonë ukrainas në kokat tona”.

"Ata na rrahën pa mëshirë, me grushte, shkopinj, çekiç, çdo gjë që mund të gjenin," thotë Andriy.

"Na zhveshën lakuriq në të ftohtë dhe na detyruan të zvarritemi në asfalt. Na u grisën këmbët dhe mbetëm të tmerruar dhe të ngrirë".





Lajmet e fundit nga