web counter
LEXO PA REKLAMA!

SHKARKO APP

App Store
Google Play

E fundit!

x

Danimarka do shfuqizojë rregullin që lejon azilkërkuesit e refuzuar të marrin leje qëndrimi

7 Shtator 2024, 09:58, Kosova & Bota CNA
Danimarka do shfuqizojë rregullin që lejon azilkërkuesit e
Foto ilustruese

Qeveria daneze po shqyrton heqjen e një rregulli që lejonte azilkërkuesit që edhe pse iu refuzua procedura, ata mund të qëndronin në vend edhe për 18 muaj të tjerë, raporton Shengenviza.info. 

Pas marrjes së një vendimi negativ për kërkesën e tyre për azil, të huajt u lejuan të qëndronin në Danimarkë për 18 muaj të tjerë dhe gjithashtu të merrnin leje qëndrimi. Mes viteve 2016 dhe 2024, kësaj kategorie migrantësh i janë dhënë 18 leje qëndrimi në Danimarkë.

"Bëhet fjalë për një skemë që është e shtrenjtë për t'u administruar në krahasim me shumë pak leje qëndrimi që jepen në fund. Dhe më pas bëhet fjalë për të huajt, të cilëve kërkesa për azil është trajtuar sipas të gjitha rregullave të artit, por që nuk kanë nevojë për mbrojtje. Ata nuk kanë të drejtë të jenë në Danimarkë", u shpreh Kaare Dybvad Bek, Ministre e Emigracionit. 

Ministria tha në një deklaratë për shtyp se do të bëjë zyrtarisht propozimin për heqjen e rregullit, me projektligjin që fillimisht të kalojë në një fazë dëgjimore dhe më pas të votohet nga parlamenti.

Danimarka ka marrë 900 kërkesa për azil deri më tani në 2024

Një total prej 900 kërkesash për azil iu dorëzuan autoriteteve daneze në pesë muajt e parë të 2024, që është 36.2 për qind e të gjitha kërkesave të paraqitura në 2023 (2,482). Danimarka renditet e 23-ta në listën e vendeve me azilkërkues për frymë në BE.

Aplikantët kryesorë për vizë në Danimarkë për vitin 2023 ishin sirianë, afganë, eritreanë, rusë dhe iranianë. Rreth nëntë për qind e azilkërkuesve ishin të mitur të pashoqëruar.

Nga ana tjetër, 72 për qind e emigrantëve, me 1343 aplikime, kanë marrë përgjigje pozitive në aplikimin e tyre, ku 24 për qind tashmë kanë marrë leje qëndrimi./CNA 





Lajmet e fundit nga