web counter
LEXO PA REKLAMA!

SHKARKO APP

App Store
Google Play

Caktimi i datës së zgjedhjeve për presidentin/ Haxhiu takon sot krerët e partive politike të Kosovës

30 Prill 2026, 07:32, Kosova & Bota CNA

Caktimi i datës së zgjedhjeve për presidentin/ Haxhiu takon sot

Ushtruesja e detyrës së presidentes së Kosovës, Albulena Haxhiu, do të zhvilojë ditën e sotme një takim me përfaqësuesit e partive politike për të diskutuar për caktimin e datës së zgjedhjeve të parakohshme parlamentare. Sipas njoftimit të Zyrës së Presidencës, takimi do të zhvillohet në ora 15:00 në objektin e Kuvendit të Kosovës.

Ndërkohë një ditë më parë, Haxhiu për të njëjtën çështje ka takuar edhe me kreun e KQZ-së, Kreshnik Radoniqi. Ky i fundit është shprehur se KQZ preferon 7 qershorin, datën më të largët të mundshme për mbajtjen e zgjedhjeve për shkak të përgatitjeve të nevojshme.

Kujtojmë se Kuvendi i Kosovës, i cili kishte afatin e fundit 28 prillin për zgjedhjen e presidentit, dështoi të dilte me një emër final. Seanca u shty disa herë brenda ditës për shkak të mungesës së kuorumit për fillimin e procedurës së votimit.

Lëvizja Vetëvendosje, e cila kishte shumicën parlamentare, pas tërheqjes se kandidatëve Glauk Konjufca e Fatmire Mulhaxha-Kollçaku, kishte mbledhur nënshkrimet për Feride Rushitin dhe Hatixhe Hoxhën. Ndërkohë as këto dy kandidatura nuk u përkrahën nga partitë opozitare.

Sipas Gjykatës Kushtetueses, Kuvendi u shpërnda dhe tani Kosova duhet të mbajë zgjedhje brenda 45 ditësh. Haxhiu ka afat që brenda dhjetë ditësh të caktojë datën e zgjedhjeve. Dy datat për mbajtjen e zgjedhjeve janë 31 maji dhe 7 qershori. /CNA





Lajmet e fundit nga