web counter
LEXO PA REKLAMA!

SHKARKO APP

App Store
Google Play

Sekuestrohen mbi 120 mijë euro, ndalohen katër shtetas rumunë

29 Prill 2026, 22:30, Kosova & Bota CNA

Sekuestrohen mbi 120 mijë euro, ndalohen katër shtetas rumunë

Policia e Kosovën bën të ditur se në bashkëpunim me Doganën e Kosovës, ka sekuestruar një sasi parash kontrabandë në Pikën e Kalimit Kufitar “Dheu i Bardhë”.

Sipas njoftimit zyrtar, gjatë kontrollit në vijën e dytë është ndaluar për kontroll të detajuar një automjet i cili kishte hyrë në Kosovë përmes Serbisë.  Në automjet ndodheshin katër shtetas rumanë.

Gjatë operacionit janë gjetur dhe sekuestruar mbi 122 mijë euro dhe mbi 4 mijë lei rumunë.

 

Njoftimi i policisë

 

Policia Kufitare e Drejtorisë Rajonale Lindje, SPK Dheu i Bardhë, në bashkëpunim me Doganën e Kosovës, gjatë kontrollit në vijën e dytë, ka ndaluar për kontroll të detajuar një automjet të tipit BMW, ngjyrë e zezë.
Automjeti kishte hyrë në Republikën e Kosovës përmes Serbisë, ndërsa në të ndodheshin shoferi dhe tre pasagjerë, të gjithë shtetas të Rumanisë.
Personat e dyshuar fillimisht kanë deklaruar se nuk kanë asgjë për të deklaruar. Megjithatë, gjatë kontrollit të detajuar nga zyrtarët policorë dhe ata të Doganës së Kosovës, duke përdorur pajisje të specializuara, përfshirë video-kamerë kontrolli, në pjesë të ndryshme të automjetit është zbuluar një sasi e konsiderueshme parash të fshehura.
Janë gjetur dhe janë sekuestruar mbi 122,000 euro dhe mbi 4,000 lei rumunë. Mjetet monetare të sekuestruara i janë dorëzuar Doganës së Kosovës për procedura të mëtejme ligjore.
Policia e Kosovës konfirmon përkushtimin e saj në luftimin e veprimtarive ilegale që dëmtojnë ekonominë e vendit dhe interesin e qytetarëve, duke riafirmuar vendosmërinë për të vepruar me efikasitet në parandalimin dhe luftimin e çdo veprimtarie të paligjshme në territorin e Republikës së Kosovës.





Lajmet e fundit nga