web counter
LEXO PA REKLAMA!

SHKARKO APP

App Store
Google Play

Burg kush përhap ‘fake news’ në Turqi/ Parlamenti miraton ligjin për dezinformimin

14 Tetor 2022, 09:42, Kosova & Bota CNA

Burg kush përhap ‘fake news’ në Turqi/ Parlamenti miraton
Parlamenti i Turqisë miratoi të enjten një ligj të propozuar nga presidenti Rexhep Tajip Erdogan që çon në burgosjen deri në tri vjet të gazetarëve dhe përdoruesve të mediave sociale nëse dezinformojnë.

Ky ligj u miratua pavarësisht shqetësimeve të ngritura për lirinë e fjalës.

Deputetët opozitarë në Turqi, si edhe shtete perëndimore, kanë kërkuar që një ligj i tillë të mos kalohet në Parlament, por zëri i tyre ka rënë në vesh të shurdhët.

Shumica e drejtuar nga presidenti Recep Tayyip Erdogan, ka qenë e vendosur në marrjen e vendimit dhe së bashku me grupimin e aleatëve nacionalistë, MHP, e ka kaluar draftin ligjor.

Sipas këtij akti, çdo person, i cili krijon frikë dhe panik në rendin publik (duke nënkuptuar fabrikimin e lajmeve të rreme të shpërndara në rrjet), do të dënohet nga një deri në tri vite burgim.

Kritikët thonë se nuk ka një përkufizim të qartë të "informacionit të rremë ose mashtrues", duke e lënë ligjin të hapur për abuzim nga gjykatat që ata thonë se kanë goditur në mënyrë agresive ndaj mospajtimit të hapur në vitet e fundit në vendin me rreth 85 milionë banorë.

Prej kohësh, çështja e lirisë së medias në Turqi është kthyer në shqetësim, me raportime të shumta për gazetarë të dhunuar dhe të burgosur mbi publikimin e lajmeve kundër presidentit Erdogan apo Qeverisë së tij.

Komisioni i Venecias, po ashtu, ka shprehur mendimin duke e quajtur “shqetësues” ligjin dhe me rreziqe potenciale për të nxitur autocensurën në popullatë./CNA.al





Lajmet e fundit nga