web counter
LEXO PA REKLAMA!

SHKARKO APP

App Store
Google Play

Bisedimet për Ukrainën në Berlin/ Zelensky: Kemi bërë përparim në shumë çështje

15 Dhjetor 2025, 20:39, Kosova & Bota CNA

Bisedimet për Ukrainën në Berlin/ Zelensky: Kemi bërë

Presidenti i Ukrainës, Volodymyr Zelenskyy deklaroi këtë të hënë se është bërë përparim në shumë çështje gjatë dy ditëve të bisedimeve midis Ukrainës dhe Shteteve të Bashkuara në Berlin dhe këmbënguli që qëndrimi i vendit të tij u dëgjua.

“Ka disa gjëra që, sipas mendimit tim, janë shkatërruese dhe definitivisht nuk do të na ndihmojnë. Është e rëndësishme që unë të mos i shoh ato në draft-dokumentet tona të reja sot. Sigurisht, ne kemi qëndrime të ndryshme me Rusinë për territore. Është e rëndësishme që ne u dëgjuam. Unë kam një kuptim të thellë të detajeve të kësaj lufte dhe është shumë e rëndësishme që kolegët tanë nga Shtetet e Bashkuara i dëgjuan të gjitha këto detaje”,-tha Zelensky.

Presidenti ukrainas shtoi se është shumë e rëndësishme që Kievi të dijë se edhe delegacioni amerikan e kupton qëndrimin e Ukrainës.

Delegacionet në Berlin u drejtuan nga Zelensky dhe i dërguari special i Donald Trump, Steve Witkoff dhe Jared Kushner.

Zelensky ishte i kujdesshëm për të mos hyrë në detaje rreth asaj që u diskutua saktësisht në tryezën e negociatave, por pranoi se çështja e territoreve të pushtuara ishte e dhimbshme./CNA

 





Lajmet e fundit nga