web counter
LEXO PA REKLAMA!

SHKARKO APP

E fundit!

x

BE-ja dënon ashpër sulmin në Iran

3 Janar 2024, 21:18, Kosova & Bota CNA
BE-ja dënon ashpër sulmin në Iran
Foto ilustruese

Bashikimi Europian ka dënuar me termat më të ashpër sulmin e sotëm në qytetin Kerman në Iran.

BE shprehi solidaritetin e saj me popullin iranian.

“Ky akt terrori shkaktoi një numër tronditës të vdekjeve dhe të plagosurve në mesin e civilëve. Mendimet tona tani janë me viktimat dhe familjet e tyre. Ata që janë përgjegjës duhet të mbahen përgjegjës për veprimet e tyre.”, thuhet në deklaratë  e një zëdhënësi të Shërbimit të Veprimit të Jashtëm të BE-së.

Në Iran kanë humbur jetën mbi 100 vetë pas një sulmi në një ceremoni përkujtimore për një gjeneral të Gardës Revolucionare. Dy shpërthime ka pasur në provincën Kerman nga "sulme terroriste" në varrin e Kassem Soleimani, komunikoi të mërkurën (03.01.2024) përfaqësuesi i qeverisë iraniane.

Numri i të vdekurve mund të rritet, pasi ka të plagosur rëndë. Ky sulm është më i rëndi në historinë 45 vjeçare të Republikës Islamike. Zëvendësguvernatori i provincës Kerman, Rahman Xhalali, u shpreh për një sulm terrorist, por pa prezantuar dëshmi konkrete./ CNA





Lajmet e fundit nga