web counter
LEXO PA REKLAMA!

SHKARKO APP

E fundit!

x

1400 shpendë të zhdukur nga dora e njeriut

3 Janar 2024, 11:50, Kosova & Bota CNA
1400 shpendë të zhdukur nga dora e njeriut
Foto ilusturuese

Njerëzit kanë zhdukur rreth 1400 lloje zogjsh, dy herë më shumë sesa ishte vlerësuar më parë, ka zbuluar një studim i ri. 

Kjo do të thotë se afro 12 për qind e specieve janë humbur gjatë historisë moderne njerëzore, njoftoi Qendra Britanike për Ekologji dhe Hidrologji.

Shpyllëzimi, gjuetia e tepërt dhe përhapja e specieve pushtuese kanë qenë kërcënimet më të mëdha për zogjtë.

“Njeriu ka shkatërruar me shpejtësi popullatat e shpendëve, nëpërmjet shkatërrimit të habitatit, mbishfrytëzimit dhe mbarështimit të minjve, derrave dhe qenve, të cilët kanë shkatërruar foletë e shumë specieve dhe kanë konkurruar me to për ushqim”, thotë udhëheqësi i studimit Rob Cook nga Qendra për Ekologji dhe Hidrologji.

Ndryshimet klimatike, bujqësia intensive dhe ndotja vetëm sa kanë shtuar një pamje tashmë të zymtë gjatë shekullit të kaluar.

Studiuesit përdorën modelimin statistikor bazuar në fakte të njohura rreth specieve të zhdukura për të vlerësuar se sa zhdukje të pazbuluara kanë ndodhur në historinë e fundit, duke përdorur përvojën e Zelandës së Re si një rast studimi./CNA





Lajmet e fundit nga