web counter
LEXO PA REKLAMA!

SHKARKO APP

App Store
Google Play

E fundit!

x

Avioni i rrëzuar i Prigozhin, një ndër më të sigurtët në botë

24 Gusht 2023, 13:28, Kosova & Bota CNA
Avioni i rrëzuar i Prigozhin, një ndër më të
Një pamje tregon avionin privat Embraer Legacy 600 (numri i avionit RA-02795) në pistën e Aeroportit Ndërkombëtar Pulkovo në Shën Petersburg, Rusi, më 9 maj 2023./REUTERS

Avioni i rrëzuar një ditë më parë ku u raportoua se ka qenë dhe shefi i grupit Wagner, Prigozhin, raportohet se është ndër avionët më të sigurtë në botë.

Ai është Embraer Legacy 600 dhe është prodhuar nga një kompani me bazë në Brazil.

Kompania me bazë në Brazil nisi të operonte në vitin 2002 dhe që prej asaj kohë ka prodhuar 300 avionë privatë.

Ekziston vetëm një aksident i regjistruar që përfshin një Legacy 600, sipas International Aviation HQ, i cili ndodhi në vitin 2006 kur u përplas në ajër me një Gol Boeing 737-800 në rrugën e tij nga fabrika Embraer në Brazil për në Shtetet e Bashkuara.

Pavarësisht dëmtimit të avionit, piloti uli avionin Embraer dhe nuk pati të vdekur apo të lënduar. Aeroplani komercial Boeing u rrëzua dhe të gjithë 154 pasagjerët u vranë.

Dy vjet më vonë, një raport i forcave ajrore braziliane fajësoi dy pilotët amerikanë, kontrollorët e trafikut dhe komunikimet e gabuara për përplasjen në ajër.

Kompania Embraer deklaroi së fundmi se ka të dhëna për rrëzimin e një avioni të prodhuar prej saj në Rusi, por nuk dha detaje./ CNA 





Lajmet e fundit nga