web counter
LEXO PA REKLAMA!

SHKARKO APP

App Store
Google Play

E fundit!

x

Autoritetet ruse: Një individ me emrin e Prigozhin ishte në bordin e avionit që u rrëzua

23 Gusht 2023, 20:49, Kosova & Bota CNA

Autoritetet ruse: Një individ me emrin e Prigozhin ishte në bordin e

Ministria e Emergjencave të Rusisë ka reaguar në lidhje me rrëzimin e avionit ku ndodhej kreu i Wagner, Yevgeny Prigozhin.

Sipas ministrisë, tetë trupa janë gjetur në vendin e rrëzimit të avionit privat Embraer Legacy, i cili u ul pranë fshatit Kuzhenkino.

Agjencia shtetërore e aviacionit të Rusisë Rosaviatsia tha se një individ me emrin e Prigozhin ishte një nga personat në bord.

Komiteti Hetues i Rusisë ka hapur një çështje penale për shkeljen e rregullave të sigurisë së trafikut dhe funksionimin e transportit ajror pas rrëzimit të avionit.

Kanali Telegram Gray Zone i lidhur me Wagner pretendoi se avioni ishte rrëzuar nga sistemet e mbrojtjes ajrore të ushtrisë ruse, por ky informacion nuk është verifikuar ende.

Gazetari rus Andrei Zakharov, tha se Prigozhin të mërkurën po kthehej në Rusi nga një udhëtim në Afrikë, ku mercenarët e Wagner kanë vepruar prej vitesh dhe ku Prigozhin u filmua së fundmi.

Sipas gazetës Fontanka me bazë në Shën Petersburg, një tjetër avion Embraer që besohet se i përkiste Prigozhin u ul në aeroportin e biznesit Ostafyevo të Moskës.

Është e paqartë nëse Prigozhin ka qënë në bord apo jo.

Sekretari i shtypit të Prigozhin nuk ka pranuar të komentojë mbi ngjarjen.

Në qershor, një kryengritje e udhëhequr nga Prigozhin vuri Rusinë në krizën e saj më të madhe të sigurisë në dekada.

Shefi i Wagner përfundimisht braktisi marshimin e tij në Moskë, ku ai kërkoi të rrëzonte udhëheqjen ushtarake të vendit, si pjesë e një marrëveshjeje të fundit që i ofroi atij imunitet nga ndjekja penale./CNA

 

 

 

 

 





Lajmet e fundit nga