web counter
LEXO PA REKLAMA!

SHKARKO APP

App Store
Google Play

27 vite nga Beteja e Loxhës/ Osmani: Simbol i rezistencës dhe bashkimit

6 Korrik 2025, 16:05, Kosova & Bota CNA

27 vite nga Beteja e Loxhës/ Osmani: Simbol i rezistencës dhe

Presidentja e Kosovës, Vjosa Osmani, ka përkujtuar sot 27-vjetorin e Betejës së Loxhës.

Përmes një reagimi zyrtar, Osmani shprehet se Loxha ishte më shumë se fushëbetejë dhe e cilësoin si simbol të rezistencës dhe bashkimit për të mos u kthyer kurrë në robëri

“Sot, në 27-vjetorin e Betejës së Loxhës, kujtojmë njërën nga përballjet më të lavdishme të luftës sonë për liri. Përballë një armiku të pamëshirshëm, luftëtarët e UÇK-së dëshmuan se vullneti për liri është më i fortë se çdo makineri lufte.

Loxha ishte më shumë se fushëbetejë, simbol i rezistencës dhe bashkimit për të mos u kthyer kurrë në robëri. Prej andej, thirrja për liri u përhap në gjithë Kosovën.

Sot, si shtet i lirë e demokratik, kemi për detyrë ta ruajmë kujtesën për të rënët dhe t'i mbrojmë vlerat për të cilat u flijuan. Liria është amaneti i tyre!

I përulemi me nderim dëshmorëve të Betejës së Loxhës dhe të gjithë dëshmorëve të UÇK-së.

Lavdi e përjetshme!”,-shkruan Osmani./CNA





Lajmet e fundit nga