web counter
LEXO PA REKLAMA!

SHKARKO APP

App Store
Google Play

Sërish pa sukses tentativa për konstituimin e Kuvendit të Kosovës

5 Korrik 2025, 20:35, Kosova & Bota CNA

Sërish pa sukses tentativa për konstituimin e Kuvendit të

Seanca për konstituimin e Kuvendit të Kosovës ka dështuar dhe ditën e sotme.

Sërish nuk u arrit kuorumi për ngritjen e komisionit për votim të fshehtë për të zgjedhur kryeparlamentaren.

Nga votimi i sotëm, 39 deputetë votuan pro. 

Vazhdimi i seancës konstituive – që u mbajt në vonesë në mbrëmje pas një alarmi të rrejshëm për bombë - zgjati sërish vetëm pak minuta dhe udhëheqësi i saj, Avni Dehari, i ftoi deputetët të mblidhen sërish pas 48 orësh, të hënën, më 7 korrik.

Kjo është hera e 42-të që deputetët u mblodhën, çdo të dytën ditë që nga 15 prilli, dhe dështuan ta përmbushin detyrimin kushtetues.

Për dallim nga grumbullimet e kaluara, në takimin e sotëm të pranishëm ishin vetëm 74 deputetë nga 120 sa ka Kuvendi i Kosovës.

Ky dështim i radhës vjen pavarësisht takimeve të presidentes Vjosa Osmani me partitë parlamentare për të ndihmuar në gjetjen e një rrugëdaljeje dhe paralajmërimeve të saj se do të ketë pasoja juridike nëse nuk bëhet Kuvendi deri më 26 korrik.

Gjykata Kushtetuese e nxori më 26 qershor një aktgjykim i cili i detyron deputetët që brenda 30 ditëve ta konstituojnë Kuvendin, por nuk dha hollësi se çfarë do të ishin pasojat në rast se afati nuk respektohet.

Osmani tha se do t’i drejtohet gjykatës nëse deputetët s'e formojnë institucionin ligjvënës së shpejti.

 





Lajmet e fundit nga