E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

25% më pak/ Nis tërheqja e policisë në veri të Kosovës

3 Gusht 2023, 16:15, Kosova & Bota CNA

25% më pak/ Nis tërheqja e policisë në veri të

Policia e Kosovës ka ulur sërish me 25 për qind praninë e efektivë në komunat në veri të vendit.

Kjo është hera e dytë që autoritetet e sigurisë në Kosovë zvogëlojnë praninë policore në komunat e veriut, pasi më 12 korrik u ndërmor një hap i tillë duke tërhequr 12 përqindëshin e parë të trupës policore.

Ky vendim i qeverisë së Kosvës vjen në kuadër të marrëveshjeve të arritura në Bratisllavë me 10 korrik 2023, mes të Bashkimit Evropian dhe Republikës së Kosovës.

Këtë hap e ka bërë me dije vetë Policia e Kosovës me anë të një deklarate zyrtare.

Këto janë lëvizjet e para që Albin Kurti po zbaton në shërbim të organizimit të zgjedhjeve të reja në veri të Kosovës, pas një periudhe trazirash agresive atje ku shkak ishte refuzimi i qytetarëve serb për kryekomunarët shqiptarë të dalë nga zgjedhjet që faktikisht u bojkotuan nga vetë serbët.

“Policia e Kosovës në vazhdën e realizmit të detyrave dhe autorizimeve të saja kushtetuese dhe ligjore në interes të sigurisë publike në vend, si dhe me qëllim të zbatimit të dakordimeve të arritura në Bratisllavë me 10 korrik 2023, në mes të Bashkimit Evropian dhe Republikës së Kosovës, saktësisht hapit dy të këtij dakordimi, me këtë rast është mbajtur takimi punues mes Policisë së Kosovës, EULEX dhe KFOR për vlerësim të situatës së sigurisë, në dhe përreth ndërtesave komunale të komunave veriore.

Sipas vlerësimit të përbashkët, nga Policia e Kosovës, EULEX dhe KFOR, situata e sigurisë në dhe rreth objekteve të komunave veriore vlerësohet se është e mirë. Në kuptim të këtij konstatimi të përbashkët, nga nesër fillon zvogëlimi i pjesëtarëve të Policisë së Kosovës për 25%, në dhe përreth objekteve komunale në veri.

Ekipet e Policisë së Kosovës bashkë me EULEX dhe KFOR, do të vijojnë koordinimin dhe do të ndërmarrin veprimet e nevojshme sipas vlerësimit të rregullt të situatës së sigurisë në dhe përreth objekteve komunale, në komunat veriore të Republikës se Kosovës.”-thuhet në njoftimin e policisë së Kosovës./CNA.al