23 vite nga sulmi i Kullave Binjake, akti terrorist në SHBA që la rreth 3 mijë viktima

11 Shtator 2024, 08:37, Kosova & Bota CNA

23 vite nga sulmi i Kullave Binjake, akti terrorist në SHBA që la

11 shtatori i vitit 2001 do të mbahet mend gjatë në mendjen e njerëzve për shkak të sulmit terrorist mbi dy Kullat Binjake në Shtetet e Bashkuara të Amerikës.

Nga ajo ditë sot shënohen plotë 23 vite. Mijëra njerëz panë nga televizorët e tyre anembanë globit skenat apokaliptike që u zhvilluan në një prej qendrave më të rëndësishme ekonomike të botës perëndimore.

Gjithçka nisi me rrëmbimin e katër aeroplanëve nga terroristë të Al Qaeda-s. Në orën 8:46 të mëngjesit, njëri prej tyre u përplas me kullën veriore të qendrës së madhe tregtare në New York, duke krijuar një çarje të thellë të ndërtesës.

17 minuta më vonë një aeroplan tjetër pasagjerësh përplasi kullën jugore, duke krijuar një lëmsh të madh zjarri.

11 shtatori është cilësuar edhe si ngjarja që ndryshoi botën, ku humbën jetën rreth 3 mijë persona.

23 vite nga sulmi i Kullave Binjake, akti terrorist në SHBA që la

Viktimat në kullat binjake ishin 2 752, mes tyre 343 zjarrfikës dhe 60 policë. Pjesa më e madhe e viktimave ishin civilë të 70 kombësive të ndryshme.

Presidenti Bush që ndodhej në Florida, në atë kohë informoi popullin amerikan se vendi kishte përjetuar një sulm terrorist. Ndërkohë, Administrata Federale e Aviacionit pezulloi të gjitha fluturimet, hera e parë kjo që ndodhte në historinë amerikane, të pezullohej transporti ajror.

Vetëm pak kilometra jashtë Uashingtonit, një avion tjetër u përplas mbi ndërtesën e Pentagonit, duke e mbuluar atë në flakë, duke shkaktuar qindra viktima dhe të plagosur.

Në nëntor të vitit 2001, Shtetet e Bashkuara, me sulme të furishme, larguan lëvizjen talebane nga pushteti në Afganistan.

Atë kohë, Afganistani qeverisej nga talebanët, të cilët kishin aleancë me Al Qaedën.

23 vite nga sulmi i Kullave Binjake, akti terrorist në SHBA që la

Misioni i SHBA-së, Mbretërisë së Bashkuar dhe vendeve të tjera në Afganistan ishte ta shkatërronin Al Qaedën, ta kapnin Bin Ladenin dhe t’i largonin talebanët nga pushteti.

Amerika dhe aleatët e saj larguan shpejt qeverinë talebane nga pushteti, por iu deshën dhjetë vjet ta gjenin dhe ta vrisnin Osama bin Ladenin.

Përfshirja ushtarake në Afganistan vazhdoi me vite, duke u bërë lufta më e gjatë në historinë e Amerikës.

Në vitin 2021, njëzet vjet pas sulmeve të 11 shtatorit, trupat e fundit amerikane u larguan nga Afganistani, derisa talebanët morën sërish kontrollin e këtij vendi.

Sot, 23 vjet më vonë, në vendin e Qendrës Botërore të Tregtisë, apo siç njihej ndryshe Kullat Binjake, qëndron vetëm një ndërtesë, e njohur si Kulla e Lirisë./ CNA