web counter
LEXO PA REKLAMA!

SHKARKO APP

App Store
Google Play

Sulm me armë në Athinë/ 89-vjeçari hapi zjarr në dy institucione, plagosen 5 persona

28 Prill 2026, 14:33, Kosova & Bota CNA

Sulm me armë në Athinë/ 89-vjeçari hapi zjarr në dy

Një ngjarje e rëndë është shënuar këtë të martë në Athinë. Sipas mediave greke, një person i armatosur ka qëlluar me armë në Qendrën e Sigurimeve Shoqërore duke lënë të plagosur një person.

Pak orë më vonë, ai është zhvendosur bashkë me armën në Gjykatën e Apelit, e cila ndodhej 5 kilometra nga institucioni i parë. Edhe në këtë vend, ai ka hapur sërish zjarr duke lënë të plagosur 4 persona, gra, dhe më pas është arratisur nga vendi i ngjarjes, ndërsa armën e krimit e ka lënë aty. 

Autoritetet helene bëjnë me dije se autori është identifikuar. Ai është i moshës 89-vjeçare, ndërsa dyshohet se vuan nga probleme të rënduara mendore.

Të plagosurit janë dërguar menjëherë në spital për të marrë ndihmë mjekësore, ndërsa mësohet se ndodhen jashtë rrezikut për jetën.

89-vjeçari është shpallur në kërkim nga policia, ku këta të fundit vijojnë punën për arrestimin e tij për të shmangur në këtë mënyrë ndonjë tragjedi të shtuar në vend. /CNA

 





Lajmet e fundit nga