web counter
LEXO PA REKLAMA!

SHKARKO APP

App Store
Google Play

Sot seanca e fundit për zgjedhjen e presidentit të Kosovës/ Kurti: Opozita e ka detyrim të jetë e pranishme

28 Prill 2026, 10:39, Kosova & Bota CNA

Sot seanca e fundit për zgjedhjen e presidentit të Kosovës/

Kryeministri i Kosovës, Albin Kurti, ka mbërritur në Kuvend për seancën e zgjedhjes së presidentit të Kosovës. I pyetur për çështjen nga gazetarët jashtë Kuvendit, Kurti është shprehur se po bëjnë përpjekje maksimale për të zgjedhur presidentin e ri të vendit.

Ai ka thënë gjithashtu se deputetët e opozitës e kanë detyrim kushtetues të marrin pjesë në seancën e sotme.

 “Jemi dukë bërë përpjekje maksimale, po e shohim a po vijnë deputetët e opozitës që e kanë detyrim kushtetues të vijnë dhe të marrin pjesë”, është shprehur ai.

Në Kuvendin e Kosovës zhvillohet sot procesi i votimit për presidentin e ri të shtetit. Në rast se palët nuk dakordësohen për pasardhësin e Vjosa Osmanit, Kuvendi do të shpërndahet dhe brenda 45 ditësh Kosova do të zhvillojë zgjedhje të reja parlamentare.

Opozita vendosi të bojkotojë seancën e jashtëzakonshme të së hënës, ndërsa në sallë ishin të pranishëm vetëm 64 deputetë nga 80 që duhen për zhvillimin e seancës. Në votimin e fundit të zhvilluar mbrëmjen e së hënës, kandidaturat e Lëvizjes Vetëvendosje, Feride Rushiti mori 63 vota, ndërsa Hatixhe Hoxha nuk mori asnjë votë. Një votë u shpall e pavlefshme.

Ndërkohë, dy kandidatët fillestarë të Vetëvendosjes për postin e presidentit, Glauk Konjufca dhe Fatime Mulhaxha-Kollçaku, u tërhoqën zyrtarisht nga gara pas 2 raundeve të dështuara. Opozita e cilësoi seancën si një “spektakël politik”, ndërsa kryeministri Albin Kurti ua faturon atyre fajin e dështimit duke thënë se opzita nuk ka ndërmarrë asnjë iniciativë konkrete për zgjedhjen e presidentit të ri. /CNA





Lajmet e fundit nga