web counter
LEXO PA REKLAMA!

SHKARKO APP

App Store
Google Play

“Skema nuk ndryshon”, Reja: S’më intereson rezultati, u emocionova nga ajo që më tha Duka

2022-11-15 19:11:03, Sport CNA

Trajneri i Shqipërisë, Edoardo Reja, foli në konferencë për shtyp ditën e sotme, në prag të ndeshjes miqësore, që Shqipëria do të luajë ditën e nesërme ndaj Italisë. Reja u shpreh se në këtë ndeshje nuk i intereson shumë rezultati, por do jetë i fokusuar te loja.

Gjithashtu ai zbuloi se skema nuk do të ndryshojë dhe do të jetë 3-5-2, si në ndeshjet e kaluara.

Për ne është e rëndësishme që të tregojmë se kjo skuadër po rritet. Ky është një test mjaft i rëndësishëm se do të na japë vlerën e kësaj skuadre. Unë uroj që të bëjmë një hap para në krahasim me ndeshjet e fundit. Më vjen keq për shumë lojtarë që nuk na i lanë klubet, se mund të kishim ekip më konkurrues, por kam të rinj që kanë luajtur në këtë periudhë dhe mund të luajnë. Janë shumë të rinj, janë të 2001-2002, kam një ekip të ri që ka bërë mirë në këtë periudhë. Do të kenë mundësi e do të bëjnë më mirë, mua nuk më intereson shumë rezultati, por paraqitja. Rezultatet janë bërë nga episodet dhe uroj që episodet ndonjëherë të sillen në anën tonë.

Moduli është gjithmonë ky që ka qenë, pasi në planin afatgjatë na ka dhënë më shumë garanci. Më pas mund të ndryshojmë në ndeshje e sipër, duke parë edhe kundërshtarin, por pikërisht me këtë skemë, lojtarët ndihen më të sigurt dhe do të konfirmojmë këtë skemë. Mungojnë emra si Cikalleshi e Balaj, por edhe Gjimshiti, megjithatë ata që do të zbresin në fushë, jam i sigurt që do të japin maksimumin, ndaj unë besoj plotësisht te ata. Unë skemën 3-5-2 e kam aplikuar te Napoli dhe gjithçka ka shkuar shumë mirë. Tani edhe Conte e Mancini përdorin të njëjtën skemë, duke e cilësuar si inovatore, por dikur më kritikonin. Kam komplimentuar Mancinin për guximin për të ndryshuar dhe për të gjetur ekuilibrat e duhur.

I pyetur për skuadrën që bën tifo, Reja tha se dëshiron të shikojë Shqipërinë të luajë bukur dhe të fitojë.

Unë jam italian në fund të ditës dhe kur nuk luan Shqipëria, bëj tifo gjithmonë për Italinë. Sigurisht që nesër mos prisni të bëj tifo për Italinë, pasi dua të shoh Shqipërinë të luajë bukur e të fitojë. Do të jetë një festë nesër dhe u emocionova shumë, që në momentin kur presidenti Duka më tha se do të luajmë ndaj Italisë. Nesër do të shijoj shumë himnin e Italisë, por edhe të Shqipërisë.





Lajmet e fundit nga