web counter
LEXO PA REKLAMA!

SHKARKO APP

App Store
Google Play

E fundit!

x

Nga Dua Lipa te Tedi Papavrami/ 5 koncerte do të mbahen në Tiranë për Javën e Kulturës Kombëtare

2022-11-19 21:43:00, Kulturë CNA
Nga Dua Lipa te Tedi Papavrami/ 5 koncerte do të mbahen në Tiranë
Fotomontazh - Tedi Papavrami dhe Dua Lipa

Të hënën e 21 nëntorit starton Java e Kulturës Kombëtare, në sajë të së cilës janë organizuar një sërë aktivitetesh.

Përveç ekspozitave, përurimeve, shfaqjeve dhe aktiviteteve të tjera, në Tiranë do të mbahen plot 5 koncerte nga datat 21 deri në 30 nëntor.

Koncerti i parë do të mbahet të martën, më 22 nëntor te Pazari i Ri. Qytetarët do të kenë mundësinë të dëgjojnë live në orën 19:00 këngët e grupit të njohur dhe shumë të dashur për publikun Ëest Side Family & Loré.

Një tjetër koncert do të mbahet sërish te Pazari i Ri në të njëjtën orën mbrëmjen e 24 nëntorit nga grupi “Jericho”.

Koncerti i tretë do të ndryshojë destinacion. Ai do të mbahet te Teatri i Operas dhe Baletit nga Tedi Papavrami më 25 nëntor.

Më 26 nëntor qytetarët do të kenë mundësinë të shijojnë muzikën me këngë patriotike nga Kastriot Tusha, Josif Gjipali dhe Vikena Kamenica te sheshi përballë Akademisë së Arteve.

Më 27 nëntor dashamirësit e valleve popullore do të shoqërohen në orën 12:00 nga Ansambli Kombëtar i Këngëve dhe Valleve Popullore i Shqipërisë te Pazari i Ri.

Por nuk ka përfunduar me kaq. Ashtu siç është paralajmëruar, supriza e madhe për shqiptarët do të vijë për festat kombëtare.

Këngëtarja me famë botërore Dua Lipa do të mbajë një koncert falas në Tiranë, në Sheshin Skënderbej, më 28 nëntor. Çdokush do të ketë mundësi të dëgjojë live këngët e Dua Lipës.

Këto dhe të tjera supriza priten të ndodhin në Javën e Kulturës Kombëtare.





15:30 CULTURE

Ky është

Pavarësisht se ka një popullsi prej vetëm 2,400 banorësh, ...

Lajmet e fundit nga