Eksperti i ekonomisë bën llogaritë/ Sa para përfiton biznesi i vogël nga reduktimi i taksave

2023-03-27 19:32:00, Ekonomi CNA

Eksperti i ekonomisë bën llogaritë/ Sa para përfiton biznesi

Klodian Muço, eksperti i ekonomisë

Klodian Muço, eksperti i ekonomisë, i cili është marrë me hartimin e programit për biznesin të kandidatit të bashkisë Tiranë, Belind Këlliçi, tregoi disa nga përfitimet që do të ketë biznesi nga ulja taksave dhe reduktimi i disa tarifave vendore.

Muço tha se nga kjo paketë fiskale, biznesi dhe qytetarët do të kursejnë deri në 420 mijë lekë në vit.

Pjesë nga fjala:

Pamë që në vitet e fundit ka pasur një rritje të vazhdueshme të taksave.

Kjo është shoqëruar me ulje të konsumit. Biznesi po tkurret çdo ditë dhe më tepër. Po shkon drejt një vdekje të kontrolluar. Vetëm në vitin e fundit janë mbyllur mbi 1600 biznese në Tiranë.

Dhe thamë çfarë mund të bëjmë. E nisëm nga taksa mbi infrastrukturën arsimore. Praktikisht 309 mijë familje nuk do të paguajnë më 18 mijë lekë në vit për këtë taksë antikueshtuese.

Ju bizneset me pakicë do paguani 40 mijë lekë më pak në vit për këtë taksë.

Bizneset e tjera do paguajnë deri në 90 mijë lekë më pak në vit vetëm nga heqja e kësaj takse. Bizneset prodhuese do përfitojë deri në 320 mijë lekë në vit nga heqja e kësaj takse. Kalojmë më poshtë.

Sektori i bujqësisë edhe në Tiranë konsiderohet një sektor i rëndësishëm i ekonomisë. Vetëm nga heqja e taksës për tokën bujqësore, pjesa që i takon bashkisë, do përfitojnë deri në 54 mijë lekë hektarë çdo vit kursim. Reduktimi i taksës së fjetjes në hotel.

Do përfitoni deri në 1 mijë lekë të vjetra për çdo person që fle në hotel. Do reduktojmë deri në 30% për tabelat informuese. Do përfitoni deri në 135 mijë lekë të vjetra. Reduktimi i taksës së ndërtesës, do reduktohet deri në 30%.

Ulja e tarifave që konsiderohet se në 7 vitet e fundit janë rritur deri në katër herë. Çuditërisht edhe pse këto tarifa janë rritur, të ardhura kanë ardhur duke u ulur. Kjo nënkupton se ka abuzim, se inspektorët tatimorë të bashkisë Tiranë punojnë keq. Administrata tatimore e bashkisë Tiranë është 4.3 herë më pak inefiçente se administrata tatimore e përgjithshme.

Pra nga ulja nga e tarifave, do përfitoni deri në 420 mijë lekë në vit.

Premtimi i biletës falas, ka shumë prej jush që kanë të punësuar kamariera, apo punëtorë që ndërrojnë deri në dy autbuzë në ditë, ku qytetarëve do u kursehet deri në 80 mijë lekë të vjetra në muaj./ CNA.al