Cilat janë 8 stadiumet më të shtrenjtë në botë

2022-10-19 09:03:00, Blog CNA

Futbolli konsiderohet si një nga sportet më të rëndësishme në botë. Pavarësisht se është më popullor në disa rajone të botës se në të tjerat, është i pamohueshëm fakti që shumë njerëzve u pëlqen të ndjekin në këtë sport pavarësisht se ku jetojnë. Dëshmi e këtij realiteti, është ekzistenca e kaq shumë stadiumeve të futbollit.

Shuma e parave të shpenzuara për ndërtimin e disa prej këtyre stadiumeve, përveç shumës së parave që është e nevojshme për të ndjekur një ndeshje tipike, mund të jetë surprizuese për shumëkënd. Në momentin që paguani për një vend, pije freskuese dhe parking në stadium, do të keni shpenzuar jo pak. Por le të shohim cilët janë aktualisht 8 stadiumet më të shtrenjta të futbollit në botë.

8. Stadiumi “Rogers Center” (Toronto, Kanada) - 900 milion dollarë

Për shkak të kostos së lartë, nëse doni të shkoni atje duhet të shpenzoni një shumë të konsiderueshme parash. Kostoja e një bilete është zakonisht rreth 50 dollarë, edhe pse mund të ketë alternativa të caktuara në dispozicion me çmime më të ulëta në seksione të caktuara. Edhe kabina e pijeve freskuese ka çmime që variojnë nga 35- 40 dollarë.

7. Stadiumi “Santiago Bernabeu” (Madrid, Spanjë) - 950 milionë dollarë

Kostoja totale e rindërtimit të tij ishte rreth 950 milionë dollarë. Nëse dëshironi të gjeni një vend të mirë në stadium, do t’ju duhet të shpenzoni afërsisht 75 dollarë. Edhe parkimi brenda stadiumit mund ta kalojnë lehtësisht shifrën e 50 dollarëve.

6. Stadumi “Aviva” (Dublin, Irlandë) - 1 miliard dollarë

Ky stadium është edhe shumë i shtrenjtë për t’u mirëmbajtur. Kjo do të thotë që spektatorët duhet të paguajnë çmime ekstra për të ndjekur ndeshjet e futbollit kryesor. Biletat mund të kushtojnë midis 80-85 dollarë. Edhe ushqimet dhe parkimi në Stadiumin “Aviva” do t'ju kushtojnë jo pak para. Për t’u siguruar që të keni para të mjaftueshme për të shijuar gjithçka, duhet të planifikoni të merrni me vete të paktën 150 dollarë.

5. Stadiumi “Wembley” (Londër, Angli) - 1.25 miliardë dollarë

Me një kosto të tillë të madhe, paratë e shpenzuara duhet që të rikuperohen në një farë mënyre. Dhe kjo ndodh në formën e çmimeve të majme të biletave, që mund të arrijnë lehtësisht në 90 dollarë secila, për të mos përmendur çmimin e pijeve freskuese, të cilat duket se janë po aq të larta. Rekomandohet që të keni gati të paktën 40 dollarë për parkim dhe afro 60 dollarë për pije freskuese.

4. Stadiumi “Corinthians Arena” (Sao Paulo, Brazil) - 1.5 miliardë dollarë

Çmimi i një vendi në tribunat e këtij stadiumi mund të variojë nga 100-150 dollarë, në varësi të vendndodhjes së ulëses. Edhe për shërbimet më themelore, mund të shpenzoni lehtësisht të paktën 50 dollarë. Nëse dëshironi të parkoni në zonë, nuk duhet të habiteni nëse ju kërkojnë 45 dollarë.

3. Stadiumi “Olimpic” (Montreal, Kanada) - 1.5 miliardë dollarë

Çmimet e ulëseve janë të krahasueshme me ato në stadiumin brazilian. Por gjetja e një vendi parkimi në zonë mund të jetë shumë sfiduese. Dhe nëse nuk keni qasje në asnjë lloj transporti publik, kjo mund t’ju kushtojë një shumë të konsiderueshme parash.

2. Stadiumi “Cape Town” (Cape Town, Afrika E Jugut) - 1.75 miliardë dollarë

Ky stadium me një pamje futuriste ka një kosto të lartë për frekuentimin e tij. Ky stadium nuk ka vende vërtet të lira në dispozicion. Nuk ka gjasa që ju të mund të shkoni atje për më pak se 170 dollarë për çdo ndenjëse. Kostoja e biletave më të mira i kalon edhe 250 dollarë.

1. Stadiumi “Signal Iduna Park” (Dortmund, Gjermani) - 2 miliardë dollarë

Për shkak të kostos marramendëse, bileta për hyrjen në këtë stadium për ndjekjen e ndeshjeve dhe aktiviteteve të tjera është goxha e lartë. Në jo pak raste, njerëzit raportojnë se paguajnë edhe më shumë se 500 dollarë për një ngjarje të vetme. Dhe kjo vetëm për një ulëse në stadium, sepse nëse merrni parasysh koston e ushqimit dhe transportit, shuma në total rritet.

Përkthyer dhe pershtatur nga CNA.al