web counter
LEXO PA REKLAMA!

SHKARKO APP

App Store
Google Play

E fundit!

x

Taksa për tokën bujqësore/ Sa do të paguajnë fermerët sipas ligjit të ri të qeverisë?

10 Tetor 2023, 20:38, Ekonomi CNA

Taksa për tokën bujqësore/ Sa do të paguajnë

Ligji i ri i taksimit të pasurive të paluajtshme parashikon edhe rritjen e taksës për tokat bujqësore.

Baza e taksës për tokën bujqësore është sipërfaqja e tokës bujqësore, në hektar, në pronësinë ose posedimin e taksapaguesit.

Në rast se pronari ka mungesë të dokumentacionit të vërtetimit të pronësisë, atëherë bën një vetëdeklarim të sipërfaqes së tokës bujqësore pranë Bashkisë në të cilën përfshihet toka.

Përqindja e aplikuar për tokën bujqësore do të jetë e njëjtë për çdo bashki, në bazë të vlerës së tokës. Për shembull në Bashkinë Tiranë, për toka bujqësore, kategori e parë, me një sipërfaqe 1 hektarë, niveli aktual i taksës është 5600 lekë për ha në vit. Duke marrë në konsideratë çmimin 1000 lekë/m2, vlera e taksueshme është 10 milionë lekë, niveli i propozuar i taksës 0.1 %,  dhe taksa për tu paguar në të ardhmen rezulton 10 mijë lekë.

Në ato njësi ku vlera është më e madhe, detyrimi për tu paguar nga qytetarët që disponojnë parcela bujqësore do të jetë më i lartë.

Sipas ligjit të ri, që ende është në fazë konsultimesh, përjashtohen nga taksa, tokat bujqësore që mbillen me kultura drufrutore dhe vreshtari për pesë vitet e para nga çasti i mbjelljes./ CNA





Lajmet e fundit nga