web counter
LEXO PA REKLAMA!

SHKARKO APP

App Store
Google Play

E fundit!

x

Në përpjekje për të luftuar inflacionin/ Banka Qendrore Europiane, rritje rekord të normave të interesit

8 Shtator 2022, 20:12, Ekonomi CNA
Në përpjekje për të luftuar inflacionin/ Banka Qendrore
Presidentja e BQE-së, Christine Lagarde

Banka Qendrore Europiane ka njoftuar një rritje rekord të normave të interesit të eurozonës, ndërsa synon të luftojë inflacionin.

BQE rriti normën e interesit me 0.75 pikë përqindjeje dhe normën kryesore të rifinancimit në 1.25%, niveli ky më i lartë që nga viti 2011.

“Stafi i BQE-së ka rishikuar ndjeshëm projeksionet e tyre të inflacionit dhe inflacioni tani pritet të jetë mesatarisht 8,1% në 2022, 5,5% në 2023 dhe 2,3% në 2024”, tha BQE në një deklaratë.

Presidentja Christine Lagarde paralajmëroi se rritje të mëtejshme do të vijnë në takimet e ardhshme, pasi inflacioni mbetet shumë i lartë dhe ka të ngjarë të qëndrojë mbi objektivin për një periudhë të gjatë.

Gjatë një konference për shtyp, ajo tha se rritjet do të nevojiten derisa inflacioni të arrijë në objektivin prej 2%.

Ajo u kërkoi gjithashtu qeverive të eurozonës që të fokusonin paketat e tyre të mbështetjes energjetike, ndërsa pranoi se Banka Qendrore kishte gabuar me parashikimet e saj.

Bankat Qendrore synon që me rritjen e normave të interesit të rrisë koston e huamarrjes, gjë që duhet t'i bëjë njerëzit të marrin hua e të shpenzojnë më pak dhe të kursejnë më shumë. Në teori, kjo ndihmon në frenimin e rritjes së çmimeve.

Ndërkohë, kujtojmë se inflacioni në mbarë botën po nxitet nga çmimet më të larta të energjisë. Çmimet pësuan një rritje të shpejtë nga lufta e Rusisë në Ukrainë, teksa ekonomitë po rimëkëmbeshin nga efektet e pandemisë së koronavirusit./ B.A. – CNA.al





Lajmet e fundit nga