web counter
LEXO PA REKLAMA!

SHKARKO APP

App Store
Google Play

E fundit!

x

Importi i energjisë elektrike u rrit me 3 herë, në 3 muaj/ Bie prodhimi nga hidrocentralet në vend

3 Shtator 2022, 09:31, Ekonomi CNA

Importi i energjisë elektrike u rrit me 3 herë, në 3 muaj/ Bie

Gjatë tremujorit të dytë të vitit 2022, energjia elektrike në dispozicion u ul me 3,5 %. Prodhimi neto vendas i energjisë elektrike në këtë periudhë u ul me 38,1 % duke arritur vlerën 1.647 GWh nga 2.660 GWh energji të prodhuar në tremujorin e dytë të vitit 2021.

Sipas INSTAT, ky prodhim u realizua nga hidrocentralet publike në masën 38,3 %, nga hidrocentralet private dhe koncensionare në masën 60,9 % dhe nga të tjerë prodhues (Fotovoltaik) në masën 0,8 % të prodhimit neto vendas të energjisë elektrike.

Importi bruto i energjisë elektrike (energji në marrje), në tremujorin e dytë të vitit 2022, arriti vlerën 664 GWh nga 228 GWh që ishte në të njëjtën periudhë të një viti më parë, duke shënuar kështu një rritje me 2,9 herë.

Eksporti bruto i energjisë elektrike (energji në dhënie) arriti vlerën 415 GWh nga 924 GWh duke shënuar një rënie me 55,1 %

Importi i energjisë elektrike u rrit me 3 herë, në 3 muaj/ Bie

Importi i energjisë elektrike u rrit me 3 herë, në 3 muaj/ Bie

Hidrocentralet publike, në tremujorin e dytë të vitit 2022, prodhuan 631 GWh nga 1.557 GWh të prodhuar në tremujorin e dytë të vitit 2021, duke shënuar kështu një rënie të prodhimit me 59,5 %. Hidrocentralet private dhe koncensionare, prodhuan 1.002 GWh nga 1.090 GWh të prodhuar në të njëjtën periudhë të një viti më parë, duke shënuar një rënie të prodhimit të energjisë elektrike me 8,0 %. Shkëmbimi i energjisë elektrike (diferenca mes eksportit dhe importit bruto të energjisë), në tremujorin e dytë të vitit 2022 ka arritur vlerën negative prej 249 GWh krahasuar me tremujorin e dytë të vitit 2021 ku kishte nje vlerë pozitive prej 696 GWh.

Importi i energjisë elektrike u rrit me 3 herë, në 3 muaj/ Bie

Humbjet në rrjet arritën vlerën 363 GWh nga 400 GWh duke shënuar kështu një rënie me 9,5 %.

Humbjet në transmetim kanë rënë me 8,3 % ndërsa humbjet në shpërndarje kanë rënë me 9,7 %.

Humbjet teknike në shpërndarje kanë shënuar një rënie me 6,2 %, ndërsa humbjet joteknike në shpërndarje kanë shënuar një rënie me 16,2 %, krahasuar me tremujorin e dytë të vitit 2021.

Importi i energjisë elektrike u rrit me 3 herë, në 3 muaj/ Bie

Përdorimi i energjisë elektrike nga konsumatorët, në tremujorin e dytë të vitit 2022, u ul me 1,9 % duke arritur vlerën 1.533 GWh nga 1.563 GWh që ishte në tremujorin e dytë të vitit 2021.

Ndikimin më të madh në uljen e përdorimit të energjisë elektrike nga konsumatorët e kanë dhënë konsumatorët jo familjarë, ku kemi një rënie të konsumit të energjisë elektrike me 2,1 %, përkundrejt rënies me 1,7 % të energjisë së konsumuar nga konsumatorët familjarë./CNA.al

Importi i energjisë elektrike u rrit me 3 herë, në 3 muaj/ Bie





Lajmet e fundit nga