web counter
LEXO PA REKLAMA!

SHKARKO APP

App Store
Google Play

E fundit!

x

Veliaj nuk ndal pagesat, miliona për inceneratorin inekzistent të Tiranës

31 Janar 2024, 19:27, Denoncim CNA
Veliaj nuk ndal pagesat, miliona për inceneratorin inekzistent të
Fotomontazh

Afera e inceneratorëve është një nga çëstjet që denoncoi ish-kryeministri Sali Berisha në fjalën e tij për protestuesit në rrugën “Mustafa Matohiti”.

Berisha akuzoi kryebashkiakun Erion Veliaj për hajdut, ndërsa deklaroi se po gjobit qytetarët e Tiranës me me 29 euro për çdo ton mbetje.

Ai tha se Veliaj vijon të paguajë tarifën për djegien e mbetjeve në një kohë kur nuk digjet asnjë ton.

Gjithashtu, kryedemokrat akuzoi kreun e SPAK-ut, Altin Dumani dhe prokurorin e SPAK-ut Arben Kraja si bashkëpunëtorë të Veliajt.

“Ky hajdut i mbrojtur nga binomi i grupit të strukturuar kriminal Dumani-Kraja, gjobit për çdo ton mbetje qytetarët e Tiranës me 29 euro, tarifa ligjore për djegien e tyre, në një kohë kur nuk digjet asnjë ton.

Të dashur qytetarë dhe qytetare, ky hajdut, të cilin e tmerruan hekurat e Tedi Blushit, në fakt jo me hekura, por me lecka duhet të qërrohet nga ajo zyrë.

Çojani Dumanit, çojani Krajës ta mbajnë për vete hajdutin, se me të kanë ndarë paratë, 130 milionë euro vetëm për djegësin e Tiranës dhe nuk kanë guxuar gjer sot as ta pyesin një herë të vetme.

Të dashur miq, i dëgjoj unë mendimet kontradiktore për Dumanin.

Por këtyre zotërinjve u them, shtroni pak një pyetje: Si ka mundësi që ky Dumani, në fashikullin e akuzës për Arben Ahmetajn, që e shkëputi nga procedura për të mbrojtur Erion Veliajn dhe Edi Ramën, përmend 13 herë emrin e Erion Veliajt.

Kurse kur dosja e djegësit të Tiranës, për të cilin janë shpenzuar 130 milionë euro dhe nuk ekziston asnjë gjurmë e tij, shkoi në gjykatë, nuk ekzistonte asnjëherë të vetme emri i Erion Veliajt.

Ta pyesin pak: Altin, çfarë ndodhi me ty, more ndonjë thes me paratë e djegësave apo të nxori ndonjë karton të kuq Edi Rama? Thuaja shqiptarëve dhe mos u hiq si i pavarur.

Të pyesin pak DUmanin, po ti që për Ilir Beqajn me shumë të drejtë në mendimin e pakicës kërkove që të hetohej se as në hetim nuk ishte, në fakt të jemi realistë, hajdut si Ilir Beqaj mund të jetë vetëm Erion Veliaj, Blendi Gonxhe dhe Edi Rama. Tjetër nuk ka.

Por problemi është se vjedhja e deritanishme, abuzimi i Ilir Beqajt shkon gjithsej 76 milionë euro. Kurse ky i Veliajt shkon 130 milionë euro me Edi Ramën. Atëherë si ka mundësi që nuk bën një shënim pakice. Nuk ta mban, të blenë, të vunë nën kontroll. E vërteta e kap lepurin me qerre. Jo pushteti, e vërteta! Se pushteti është i kapur. Pushteti është kalbësirë këtu”, theksoi Berisha./ CNA





Lajmet e fundit nga