E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Kalendar historik/ Çfarë ka ndodhur më 16 shtator?

16 Shtator 2023, 09:08, Blog CNA

Kalendar historik/ Çfarë ka ndodhur më 16 shtator?

Sopranoja Maria Kalas

1977 - Vdes sopranoja me famë botërore Maria Kalas

Ndahet nga jeta në Paris në moshën 53-vjeçare, sopranoja e mirënjohur në mbarë botën Maria Kalas. E lindur në Nju Jork në vitin 1923 nga emigrantë grekë, Kalas e tregoi që në moshë të re talentin e saj për të kënduar. Kur ishte 13 vjeçe, ajo shkoi në Athinë për të studiuar nën kujdesin e sopranos së njohur Elvira de Hidalgo.

Roli i saj i parë i madh operistik erdhi në vitin 1947, kur u shfaq në operën “La Gioconda” në Verona të Italisë. E vlerësuar për një zë të fuqishëm, me një gamë më të lartë vokale që mori përsipër role të vështira, shumë shpejt Maria filloi të shfaqej në operat më të njohura në mbarë botën.

Kalendar historik/ Çfarë ka ndodhur më 16 shtator?

Në vitin 1954, bën debutimin e saj të parë në SHBA në Operën e Çikagos në rolin kryesor të Normës, një performancë që e përsëriti para një auditori rekord në Operan Metropolitane të Nju Jorkut. Talentet e saj bënë të mundur ringjalljen e veprave të mëdha të shekullit XIX nga Vinçenco Belini dhe të tjerët, që nuk ishin shfaqur për dekada.

Jeta e stuhishme personale e Callas u vëzhgua nga afër dhe u ekzagjerua nga shtypi, siç ishin largimet në mënyrë demonstrative nga puna apo grindjet me kolegët, që ishin gjithashtu edhe rivalët e saj.

Edhe pse ishte e martuar, dhe pati një marrëdhënie paralele me manjatin grek të anijeve Aristotel Onazis, diva e muzikës operistike u divorcua shumë vite më pas nga bashkëshorti i saj.

Por më vonë Onazis e braktisi kur ra në dashuri me vejushën e ish-presidentit amerikan Xhon Kenedi, Xheki Kenedi. Gjatë viteve 1970, karriera e Kalas pësoi një rënie të shpejtë dhe ajo vdiq në vitin 1977.

Ngjarje të tjera të rëndësishme:

1380- Vdes në moshën 42-vjeçare Sharli V, mbret i Francës që nga viti 1364 dhe që e udhëhoqi vendin në një rimëkëmbje të mrekullueshme nga shkatërrimet e fazës së parë të luftës 100 vjeçare (1337-1453).

1920 - Një bombë shpërthen në Uoll Strit, Nju Jork, duke vrarë 38 njerëz. Ky sulm ishte akti më vdekjeprurës në territorin amerikan deri në atë moment. Ende sot nuk dihet se kush ishte autori i sulmit me bombë.

1932 - Nga qelia e tij në burgun Jeruada në Indi, Mohandas Gandi fillon një grevë urie në shenjë proteste ndaj vendimit të qeverisë britanike për të ndarë sistemin zgjedhor të Indisë sipas kastës.

1970 - Mbreti Husein i Jordanisë shpall në vend gjendjen ushtarake pas rrëmbimit të 4 avionëve ndërkombëtarë nga Fronti Popullor për Çlirimin e Palestinës (PFLP).

1982 - Anëtarët e një milicie libaneze të krahut të djathtë, masakrojnë 1500-3000 njerëz në 2 kampe refugjatësh në zonën e Bejrutit në Liban. Masakra që zgjati më shumë se 3 ditë në kampet e refugjatëve palestinezë Sabra dhe Shatila, u drejtuan nga milicia e krishterë falangiste libaneze.

1998 - Organizata separatiste baske ETA, shpall një armëpushim për një kohë të pa caktuar pas 30 vitesh sulme terroriste guerile në Spanjë, të cilat shkaktuan mbi 800 të vdekur. Paqja zgjati 14 muaj./ Përshtatur nga CNA