AMIENS, zemra historike dhe kulturore e veriut të Francës

2 Mars 2026, 11:57, Blog CNA

Amiens është një qytet historik me trashëgimi të fortë kulturore, sidomos katedralja e tij dhe lidhja me Jules Verne, (në Shqipëri e njohim si Zhyl Vern), një qendër rajonale me ekonomi të përziera (shërbime, arsim, industri dhe turizëm) dhe një popullsi komunale rreth 130–140 mijë banorë, me një zonë metropolitane shumë më të madhe.

AMIENS, zemra historike dhe kulturore e veriut të Francës

Katedralja e Amiens

Qyteti kombinon traditën dhe projektet e modernizimit për zhvillim të qëndrueshëm. Amiens është një qytet francez për t’u vizituar për t’u takuar me vlerat historike, kulturore pse jo për të shijuar edhe traditat dhe gatimet e një zone të Francës që i është shfaqur botës nga pasuritë historike fetare, siç është rasti i lipsanit të Shën Joan Pagëzorit dhe më tej fjalët dhe veprat unike të Zhyl Vernit shkruar gati dy shekuj më parë.

AMIENS, zemra historike dhe kulturore e veriut të Francës

Amiens është një qytet në veri të Francës, rreth 120 km në veri-perëndim të Parisit, kryeqytet i qarkut Somme në rajonin Hauts-de-France, qyteti ndodhet në bashkimin e lumit Somme dhe disa degëzimeve të tij.

PAK HISTORI PËR AMIENS

Zona është banuar që nga epoka gallo-romake, emri i qytetit rrjedh nga fisi keltik Ambiani që jetonte në atë zonë. Qyteti u zhvillua mbi rrugët tregtare antike dhe u bë një qendër lokale gjatë Mesjetës. Amiens u rrit si qendër fetare dhe tregtare.

Në qendër të qytetit ndodhet Katedralja Notre-Dame e Amiens (katedrale gotike) u ndërtua kryesisht në shekullin e XIII-të dhe është një nga më të mëdhatë dhe më të mirëmbajturat në Francë.

AMIENS, zemra historike dhe kulturore e veriut të Francës

Në Notre-Dame të Amiens ndodhet dhe lipsani koka e Shën Joan Pagëzorit pas gjetjes së dytë, kjo katedrale është e përfshirë në listën e monumenteve të mbrojtura si pasuri botërore nga UNESCO.

Qyteti i Amiens pësoi shkatërrime gjatë Luftës së Dytë Botërore dhe pati rol strategjik gjatë Luftës së Parë (afër fushës së Betejës së Somme). Pas luftërave u rindërtua dhe industrializua gradualisht.

LIDHJA ME JULES VERNE ( SHKRIMTARIN E MADH ZHYL VERN)

Amiens lidhet ngushtë edhe me shkrimtarin e madh Jules Verne, (Zhyl Vern) i cili jetoi e ndërroi jetë aty dhe shtëpia e tij është tashmë muze. Emri i tij i plotë është Jules Gabriel Verne, i cili jetoi nga viti 1828 deri në vitin 1905, ai lindi në Nantes, por gjatë pjesës më të madhe të jetës së tij e kaloi në Amiens.

Shkrimtari i madh Jules Verne (Zhyl Vern)

Shkrimtar francez Verne është themelues i zhanrit të romanit shkencor/aventurë. Ai përdori imagjinatën e tij të pasur dhe njohuritë teknike për të kryer zbulime dhe shpikje teknologjike. Verne influencoi letërsinë fantastiko-shkencore, frymëzoi shkencëtarë dhe shpikës. Shumë nga idetë e tij janë realizuar më vonë (submarine, fluturime kozmike, udhëtime ndërkontinentale).

POPULLSIA DHE ADMINISTRATA

Bashkia e Amiens numëron sot rreth 130–140 mijë banorë, ndërsa rajoni rreth 300–350 mijë banorë. Administrativisht është një qendër rajonale me shërbime publike, spitale, universitete dhe institucione kulturore. Një peshë kryesore historike botërorë dhe për turizmin në këtë qytet kanë Katedralja Notre-Dame e Amiens dhe shkrimtari Jules Verne.

Katedralja Notre-Dame e Amiens

EKONOMIA

Dikur industrisë kryesore kanë qenë tekstilet, ushqimore dhe përpunuese. Ekonomia tashmë është më e diversifikuar, me shërbimet publike dhe administrative (si kryeqendra rajonale). Sot funksionojnë si motor ekonomik i rajonit disa industri të përpunimit, elektronike e automative. Në Amiens ndodhen disa zona industriale dhe logjistike, të cilat përfitojnë nga pozicioni strategjik pranë rrugëve kombëtare dhe hekurudhave të Francës, si nyje lidhëse me Gjermaninë apo Belgjikën.

AMIENS, zemra historike dhe kulturore e veriut të Francës

TURIZMI DHE TRASHËGIMIA KULTURORE

Turizmi në Amiens tërheq gjithmonë e më shumë vizitorë për katedralen, hortikulturë (kopshtet e ishullit në lumenj), muzeun Jules Verne (Zhyl Vern), dhe aktivitetet kulturore që në Amiens janë të shumta.

Muzeu Jules Verne

Katedralja Notre-Dame e Amiens është një monument kryesor, një vepër e shkëlqyer e arkitekturës gotike.

Les Hortillonnages është një lagje e veçantë me kanale dhe kopshte të lagështa, ku vizituesit mund të shëtisin me varka të vogla. Maison de Jules Verne (shtëpia-muze), e shkrimtarit të madh francez, është jo vetëm dëshmi e lidhjes së qytetit me shkrimtarin, por një identitet i veçantë kulturor.

Les Hortillonnages

Disa muze dhe galeri arti, teatro dhe festivale lokale mbajnë gjallëri kulturore të Amiens. Amiens është një qytet që ruan gjallërinë e tij kulturore përmes muzeve, galerive të artit, teatrove dhe festivaleve të ndryshme gjatë gjithë vitit.

Muze të rëndësishëm si Musée de Picardie dhe shtëpia-muze e Jules Verne ofrojnë koleksione arti, histori dhe letërsi, ndërsa galeritë bashkëkohore si PATRICK POULAIN dhe F.R.A.C. ekspozojnë krijimtari moderne.

Musée de Picardie

Skena teatrore e qytetit, përfshirë Comédie de Picardie dhe Zénith d’Amiens, ofron shfaqje klasike, koncerte dhe performanca të ndryshme, ndërsa Maison de la Culture (Shtëpia e Kulturës) organizon evente muzikore dhe teatrale.

Comédie de Picardie

INFRASTRUKTURA DHE TRANSPORTI

Qyteti i Amiens është në qendër të disa rrugëve kombëtare në Francë, por edhe ndërkombëtare, me autostradën drejt Parisit dhe veriut të vendit. Linja hekurudhore lidh Amiens me qytete të tjera të Francës dhe Europës.

AMIENS, zemra historike dhe kulturore e veriut të Francës

ZHVILLIMI I QËNDRUESHËM

Amiens së fundi po bën përpjekje për zhvillim ekonomik të qëndrueshëm, riaktivizim të qendrave urbane, rinovim banesash dhe zhvillimin e projekteve infrastrukturore.

AMIENS, zemra historike dhe kulturore e veriut të Francës