LEXO PA REKLAMA!

SHKARKO APP

Zgjedhjet vendore/ Grida Duma: Ka optimizëm që të dilet me një kandidat

18 Tetor 2022, 18:21, Aktualitet CNA
Zgjedhjet vendore/ Grida Duma: Ka optimizëm që të dilet me
Deputetja Grida Duma

Pas mbledhjes së grupit përçarës të PD-së të Enkelejd Alibeajt, deputetja Grida Duma është shprehur se në këtë takim pati një frymë të sinqertë bashkëpunime.

Në një prononcim për mediat, Duma foli edhe primaret duke thënë se i mbështet, duke theksuar se duhet kujdes, pasi gara duhet të jetë reale dhe listat gjithëpërfshirëse.

Mendoj se ka shumë gjasa, unë nuk dua të flas më si palë, fryma e bisedës ka qenë krejtësisht e paqtë dhe konstruktive nga të dyja palët që kanë përfaqësuar këtë tryezë. Fryma me të cilën lashë mbledhjen është e sinqertë. Mënyra se si do të shkohet drejt këtyre primareve është duke u diskutuar në çdo moment. Fakti që kanë nisur diskutimet unë e quaj një lajm të mirë. Fryma është për të gjetur të gjitha elementët që mund të na çojnë drejt  bashkimit. Ajo që më vlen është diskutimi i vërtetë. Sot diskutimi është nëse ajo që bën me veten grupi parlamentar i PD çon në shkrirjen dhe krijimin e të njëjtës bashkësi reale në strukturat e PD. Të gjitha simbolikat ku u takuam e si u takuam se sa kur diskutojmë me mbështetësit, të jenë të vërteta, jo prapaskena. Mos gabohem, diskutimi është që kemi ditët përpara para atij momenti për të nisur primaret. Jam për primare të vërteta të thella. Që diskutojmë për primare para partive të tjera politike, kam krenari. Sa thellë do të maksimizojnë, varet te ne. Listat duhet të jenë gjithëpërfshirëse. Gara duhet të jetë reale. Fryma e mbledhjes ishte e mirë dhe ka optimizëm që të dilet me 1 kandidat”, tha Duma./ CNA.al

Lajmet e fundit nga