web counter
LEXO PA REKLAMA!

SHKARKO APP

App Store
Google Play

E fundit!

x

“Rama t'i thërrasë mendjes”/ Kundërpërgjigjen pedagogët

18 Tetor 2022, 11:03, Aktualitet CNA

“Rama t'i thërrasë mendjes”/

Pas deklaratës së kryeministrit Edi Rama, se ka ikur koha kur sindikatat kërkojnë rritje dhe se nuk do të ndodhë një gjë e tillë, ka reaguar kreu i Sindikatës së Pedagogëve, Sandër Kovaçi.

Ai ka thënë se nuk do të tërhiqen nga protestat dhe se bojkoti i mësimit në universitete do të shtrihet përgjatë gjithë ditës, duke nisur nga ora 10.

Sipas tij pedagogë dhe studentë do të mblidhen duke nisur nga ora 10 para Universitetit Politeknik të Tiranës.

“Deklarojmë vijimin e protestës deri në vijim, drejtuar kryeministrit, ministres së Arsimit, dhe rektorëve, në formën e ndërprerjes së mësimit gjatë gjithë ditës, duke nisur nga ora 10, para universitetit Politeknik. Të dashur kolegë, vetëm vijimi dhe qëndresa jonë e përbashkët do të vijojë. U bëjmë thirrje të gjithë pedagogëve të bashkohen. Rama e ka takimin me rektorët në kuadër të një komiteti. T’i  thërrasë mendjes dhe të shohë problemet. Të gjitha universitet janë në gjendje kënetore me këtë investim. Rankimet pa fonde i bën kot. Ça rankimi bën kot? Performanca e universiteteve është e mirë në krahasim me gjendjen e mjerueshme që është sot. Pedagogët kanë vazhduar dhe në kohë pandemie, edhe pse me pasoja. S’mund të ketë rankim me këtë gjendje. I bëjmë thirrje kryeministrit, ministrisë së Arsimit, që të kthejnë kokën nga universiteti që të financojnë”, është shprehur Kovaçi./CNA.al





Lajmet e fundit nga