web counter
LEXO PA REKLAMA!

SHKARKO APP

App Store
Google Play

Paraqitja e Agaçit në SPAK/ Kryemadhi ngre aludimet

17 Tetor 2022, 21:41, Aktualitet CNA
Paraqitja e Agaçit në SPAK/ Kryemadhi ngre aludimet
Foto ilustruese

Deputetja Monika Kryemadhi ka folur për marrjen në pyetje nga SPAK-u të sekretarit të Përgjithshëm të Këshillit të Ministrave, Ëngjëll Agaçi.

E ftuar në emisionin "Open", Kryemadhi tha se çështja e tij lidhet kryesisht me inceneratorin e Elbasanit, por nuk përjashtoi mundësinë se mund të jetë thirrur edhe për çështje të tjera.  

“Nuk kam dijeni nëse Agaçi është thirrur për inceneratorin e Elbasanit apo Tiranës, sepse dosjet janë të ndara në tri duar të ndryshme. Çështja e tij lidhet kryesisht me inceneratorin e Elbasanit. Nuk e di nëse mund të ketë lidhje, mund të jetë thirrur dhe për çështje të tjera që s’kanë lidhje me inceneratorët. Çështja e inceneratorit, sot mbyllim 593 ditë, denoncimi i parë për Tiranën dhe sot s’kemi asnjë reagim. Reforma në drejtësi është në provë me dosjen e inceneratorëve.

Mendoj se çështja e inceneratorit mendoj se nuk lejohet të hetohet nga koka, kryeministri. Deklarata tona politike duhet të qartësohen dhe të jenë më të drejtpërdrejta.

(Publikon videon e deklaratave të Edi Ramës) -I gjithë zinxhiri i ndekur i procedurës nuk rezulton të jetë problematik- APP është asistencë teknike që i vjen në ndihmë çdo autoriteti kontraktor që ka veshë për ta dëgjuar, dhe që ka tru për të vepruar- buxheti i shtetit ka paguar 36 mln për Elbasanin-.

Të analizojmë këto tri deklarata të Ramës, në videon e parë tha se zinxhiri është OK, ndërkohë deklarata e SPAK pas arrestimit të Kokës thotë se nuk është zbatuar procedura e rregullt, e dyta, kemi rastin e APP, shkresa që i drejtohet Kokës dhe Agaçit ku thotë ‘duhet të bëhet në përputhje me parashikimin e ligjit’, pra si mund të pretendojmë ne që është 36 mld lekë. Në fund, është kërkuar nga Koka rekurs në Gjykatën e Lartë, dhe thotë ‘ky relacion është nënshkruar nga ministri Koka, ndërkohë VKM është në shkruar nga Peleshi, anëtarët që kanë marrë pjesë në mbledhje kanë qenë në dijeni të procedurës’, pra do të thotë që kjo procedurë e shkelur në mënyrë flagrante, kjo ka kaluar një VKM i cili ka financuar një kontratë të paligjshme.

E keqja është që janë 25 mln euro të financuara nga buxheti i shtetit në një projekt që ka dhe shumë probleme të tjera.

Qëllimi i drejtësisë është që ky kalvar shpërdorimesh të ndalojë. Edhe pse kemi llogari të sekuestruara ne vazhdojmë derdhim para në llogaritë e Klodian Zotos", tha Kryemadhi./ CNA.al

 





Lajmet e fundit nga