E fundit!

20:27 Politikë

“Ai për investimet strategjike do të shfuqizohet”/ Rama tregon çfarë do të ndodhë me ligjin për zonat e mbrojtura

Kryeministri Edi Rama është shprehur në konferencën ndërqe...

“Bobo çfarë do më këpusësh sot”/ Fjalimet në Kuvend, deputeti zihet me bashkëshorten

18 Tetor 2022, 12:03, Aktualitet CNA

“Bobo çfarë do më këpusësh sot”/ Fjalimet

Deputeti i Lushnjës, Saimir Korreshi, ka deklaruar se qyteti i tij është lënë në harresë.

I ftuar në “ABC e Mëngjesit”, ai u shpreh se asnjë nga kolegët e tij nuk merret me problemet e Lushnjës.

“Lushnja është lënë në harresë. Asnjë nga politikanët nga këta të Lushnjës nuk e ka shumë fort Lushnjën për të investuar diçka. Flasim për Lushnjën e Kongresit, për të cilin flitet shumë pak. Po të themi 21 janari më tepër është ajo që ndodhi në bulevardin 'Dëshmorët e Kombit' se sa ajo çfarë ka simbolizuar 21 janari i Lushnjës, kur është themeluar realisht shteti shqiptar.

Ke 32 vjet në demokraci, nuk ke një ministër nga Lushnja. Nga deputetët e Lushnjës nuk ndihet asnjëri për të bërë një investim, nuk ke një bulevard, nuk ke një industri, një biznes. Udhëheqësit e Lushnjës ndoshta kanë qenë pak në gjumë. Unë u bëra deputet, nuk duhet të flas tani të ngroh karrigen që t’i bëhet terezia atij të parit që të marr edhe një mandat tjetër. Unë realisht nuk e kam këtë. Unë prandaj gjatë gjithë kohës ngre tema si spitali se kur sëmuret mamaja ime unë në spitalin e Lushnjës do ta çoj në fillim se e kam 10 minuta, ndërsa në Tiranë dua 1 orë e gjysmë për të hyrë me trafik me të gjitha. Fëmijën tim aty do ta çoj për vaksinë dhe për ndonjë gjilpërë. Kur mendoj unë, mendoj për të tjerët lushnjarë, se unë jam deputet, por kur je një qytetar i thjeshtë”, është shprehur ai.

Më tej, sa u përket fjalimeve virale, Korreshi u shpreh se janë shkaku që zihet me bashkëshorten.

“Me bashkëshorten zihem shpesh te kjo pjesë se më thotë: ‘Bobo çfarë do më këpusësh sot, se nuk do më lënë koleget te puna se thonë shikoje çfarë ka thënë Saimiri sot'”, shtoi deputeti.