web counter
LEXO PA REKLAMA!

SHKARKO APP

App Store
Google Play

Zgjedhjet e 14 Majit/ Meta i ankohet ambasadorit të OSBE-së në Tiranë për qeverinë

6 Shkurt 2023, 13:26, Aktualitet CNA
Zgjedhjet e 14 Majit/ Meta i ankohet ambasadorit të OSBE-së në
Foto ilustruese

Kreu i Partisë së Lirisë, Ilir Meta ka zhvilluar një takim me ambasadorin e ri të Prezencës së OBE në Tiranë, Guido De Santctis.

Gjatë takimit, Meta zbulon se është folur për zgjedhjet e 14 Majit ndërsa i është ankuar për qeverinë.

“Mirëprita në një takim ditën e sotme, Ambasadorin e ri të Prezencës së OSBE-së në Tiranë, Ambasador Guido De Sanctis.

Diskutuam gjerësisht për realizimin me një standard të lartë të zgjedhjeve të 14 Majit, si moment politik shumë i rëndësishëm për vendin.

Ndava me Ambasadorin De Sanctis:

1. Shqetësimet lidhur me situatën parazgjedhore e në mënyrë të veçantë mbi presionet dhe shpërdorimin e administratës publike në funksion të qëllimeve elektorale të qeverisë.

2. Ecurinë shumë problematike të Reformës Zgjedhore, e në veçanti të punës së Komisionit Parlamentar për Reformën Zgjedhore, i cili për shkak të vullnetit negativ të mazhorancës nuk po adreson çështjet thelbësore që kanë dëmtuar rëndë standardin e zgjedhjeve.

3. Bllokimin e paligjshëm të regjistrimit të PD-së për shkak të kapjes së gjykatave nga kryeministri.

4. Uzurpimin e veprimtarisë së Parlamentit për shkak të akteve antikushtetuese të maxhorancës duke penguar komisionet hetimore, interpelancat, debatin parlamentar, pra kontrollin dhe llogaridhënien nga Parlamenti.

Në veçanti e njoha me të gjitha projektligjet e Partisë së Lirisë, të cilat janë bllokuar me arrgoancë nga mazhoranca, në kundërshtim me rregulloren dhe procedurat e Parlamentit”, ka shkruar Meta./ CNA.al





Lajmet e fundit nga