LEXO PA REKLAMA!

SHKARKO APP

Vrasja e Pjerin Xhuvanit/ “Jeta e një dëshmitari në rrezik, alarmohet prokuroria”

6 Shkurt 2023, 12:47, Aktualitet CNA

Vrasja e Pjerin Xhuvanit/ “Jeta e një dëshmitari në rrezik,

Një dëshmitari okular në vrasjen e Pjerin Xhuvanit i rrezikohet jeta.

Konfirmimi ka ardhur nga avokatja e familjes së Pjerin Xhuvanit, i cili u vra me 21 prill 2021, një javë para zgjedhjeve parlamentare.

Avokatja e Rezarta Tahiraj i ka dërguar një shkresë prokurorisë, sipas Euronews Albania për ta vënë në dijeni për rrezikimin e jetës së dëshmitarit.

I njëjti thuhet se në seancën e datës 1 shkurt ka dëshmuar, se ka parë dhe se mund të identifikojë dy personat e armatosur që bashkë me të tjerët, kishin rrethuar e kërcënuar viktimën përpara se të vritej.

Dy personat janë aktualisht të lirë, duke bërë kështu që dëshmitari të ndjehet në rrezik për jetën.

“Me deklarimet e tij ne proces ky dëshmitar mund të ketë kontribuar në mënyre indirekte në zbulimin e misterit të predhave të pistoletës të kalibrave të ndryshëm të eskpertuar nga policia. Dëshmia se ka parë këta të dy agresorë kontribuon ndër të tjera për të sqaruar se përpara mbërritjes së mjekut (Pjerin Xhuvani), midis komponenëve të strukturës paramilitare të mbrojtjes ka pasur armë jo vetëm vrasësi por sigurisht dhe këta dy personat e tjerë dhe ndoshta dhe të tjerë.

Kush do ta mbrojë dëshmitarin nga rreziku që ata dy persona të armatosur ende të paidentifikuar i vënë në rrezik jetën ose e kërcënojnë për ta detyruar që të ndryshojë deklarimet e tij”, thuhet në shkresën dërguar Prokurorisë./CNA.al

Lajmet e fundit nga