web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen përgjimet/ Viktor Çervanaku bisedon me agjentin doganor: Ka sjellë çuni një maune me pleh

30 Nëntor 2022, 22:20, Aktualitet CNA
Zbardhen përgjimet/ Viktor Çervanaku bisedon me agjentin doganor: Ka
Viktor Çervanaku

Disa përgjime kanë dalë në dritë nga telefonatat që ish-kryetari i komunës Frakull, Viktor Çervanaku, ka bërë me një agjent doganor dhe një punonjës policie.

Në përgjimet e zbardhura në emisionin “Në shënjestër”, vihet re që Çervanaku është i shqetësuar për një ngarkesë.

Për maunen ai fillimisht ka kontaktuar me mesazhe efektivin e policisë, ku ndër të tjera e pyet: “O shok a fole më atë, që t’ja bëjmë nderin deri në fund?”

Në të njëjtën ditë, më 10 gusht të 2022-shit, ai i shkruan sërish punonjësit të policisë dhe ky i fundit i përgjigjet: “Do flas nesër çfarë ka bërë.”

Me këto mesazhe ata i referoheshin Nikolin Gjolenës, i njohur ndryshe me nofkën ‘Lushnjari’ apo ‘Lushi’ që dyshohet se është porositësi kryesor i mallit dhe njeriu që mbante lidhjet me kolumbianët dhe bosët shqiptarë të drogës.

Vetëm disa ditë më vonë, Çervanaku ka kontaktuar agjentin doganor dhe e pyet për testimin e plehut, pasi dëshiron të sigurohet që ngarkesa të dalë si pleh organik.

Zbardhen përgjimet/ Viktor Çervanaku bisedon me agjentin doganor: Ka

Përgjimet në 22 shtator 2022:

Viktor Çervanaku komunikon me një agjent doganor.

V.Ç - Kam marrë një maune me pleh, a do ta bëjmë atë analizën e plehut?

Agjenti Doganor: Kujt plehu?

V.Ç: Po ka prurë çuni një maune me pleh nga jashtë.

Agjenti Doganor: Ou? Po për ça e përdor çuni?

V.Ç: E, do i bëjmë analizën

Agjenti Doganor: Aaa ta shesi!!

V.Ç: Për ullinj, ta shesi, është pleh i mirë, është kështu fertilizant, pleh shumë i mirë,

Agjenti Doganor: Ça thua ore? I madh je! Hahaha.

V.Ç: Ee, po ça të bëjme ore. Hajt tua hedhim atyre ullinjve, ta shesi pjesë-pjesë, ka prurë shumë ai, ka prurë 22 ton, ee.

Agjenti Doganor: Ou paska prurë shumë…/ B.A. – CNA.al





Lajmet e fundit nga