web counter
LEXO PA REKLAMA!

SHKARKO APP

App Store
Google Play

E fundit!

x

Trafikim njerëzish e vrasje/ Këta janë 3 të shumëkërkuarit e arrestuar

24 Dhjetor 2023, 12:58, Aktualitet CNA

Trafikim njerëzish e vrasje/ Këta janë 3 të

Policia e Shtetit ka bërë me dije se 3 shtetas, në kërkim ndërkombëtar, janë arrestuar. Arrestimi i shtetasve A. S., G. H. dhe A. H. u bë falë finalizimit të 3 operacioneve “Sete”,  “Batumi”, “International”.

Shtetasi A. S., 40 vjeç, banues në Durrës u kap në Francë pasi ishte në kërkim, sepse në bashkëpunim me persona të tjerë kishin planifikuar një vrasje si dhe ishte i përfshirë në marrjen e një shume parash përmes kërcënimit me armë.  

I arrestuari i dytë është shtetasi turk Y. H., 49 vjeç, i cili u arrestua në Gjeorgji, pasi akuzohet se ka qenë pjesë e një grupi kriminal që merrej me trafikun e qenieve njerëzore.

Gjithashtu në prangat e policisë gjermane ka rënë Kridens Mecollari pasi është marrë me trafikimin e lëndëve narkotike. 

Ata do të ekstradohen drejt Shqipërisë. 

Konkretisht policia njofton se: 

Në kuadër të operacionit policor të koduar “Sete”, Policia franceze kapi në Francë dhe arrestoi me qëllim ekstradimin në Shqipëri, shtetasin A. S., 40 vjeç, banues në Durrës. Shtetasi A. S. akuzohet se në bashkëpunim me shtetasin I. F. dhe shtetas të tjerë, kanë planifikuar vrasjen e shtetasve G. H. dhe A. H., duke siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre.

Gjithashtu, shtetasi A. S. dyshohet se më datë 02.07.2023, në rajonin e Balarus, Francë, është përfshirë në një rast të marrjes së një shume parash (40 000 euro), nëpërmjet kërcënimit me armë, në kuadër të bandës së organizuar.

-Në kuadër të operacionit policor të koduar “Batumi”, Policia gjeorgjeze ka kapur në Gjeorgji dhe ka arrestuar më qëllim ekstradimin në Shqipëri, shtetasin shtetasi turk Y. H., 49 vjeç. Ky shtetas ka qenë pjesë e një grupi kriminal që merrej me trafikun e qenieve njerëzore drejt Evropës, kundrejt parave. 

-Në kuadër të operacionit policor të koduar “International”, Policia gjermane ka kapur në Gjermani dhe ka arrestuar me qëllim ekstradimin në Shqipëri, shtetasin Kridens Mecollari.

Ky shtetas më datë 06.11.2021, pas një konflikti të çastit, në një lokal, ka plagosur me armë zjarri shtetasin I. Sh. Gjithashtu, ky shtetas, është shpallur në kërkim nga autoritetet e Mbretërisë së Bashkuar, për veprimtari kriminale në fushën e narkotikëve dhe për pastrim të parave të përfituara nga këto veprimtari.  

Interpol Tirana vijon punën për ekstradimin e këtyre 3 shtetasve, në Shqipëri./ CNA





Lajmet e fundit nga